Ən güclü superkompüter işə salındı

29-10-2010 / 01:07

Onun məhsuldarlığı 2,5 petaflopsu ötüb

Çin Milli Superkompüter Mərkəzində dünyada ən güclü “Tianhe-1A” adlı hesablama kompleksi işə salınıb. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, son test işləri nəticəsində yeni superkompüter unikal məhsuldarlıq göstəricisi nümayiş etdirib.


Superkompüterin məhsuldarlığı 2,5 petaplopsu (saniyədə təxminən bir kvadrilyon əməliyyat) ötüb. Müqayisə üçün qeyd edək ki, “Top 500” siyahısında birinci yerdə olan ABŞ Oukric Milli Laboratoriyasında qurulmuş “Jaguar” kompleksinin müvafiq göstəricisi 1,76 petaflops təşkil edir.


Çinin Milli Müdafiə Texnologiyaları Universiteti tərəfindən yaradılmış “Tianhe-1A” kompleksinin əsasını “14 336 Intel Xeon” server prosessoru və “7 168 nVidia Tesla M2050” kartı təşkil edir. Yeni superkompüter mürəkkəb elmi hesablamalar və kompleks modelləşdirilməsi istiqamətində tətbiq olunacaq.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə