Ən nazik kompüter

21-10-2010 / 18:22

“Apple” şirkəti çərşənbə günü yeni məhsullarını təqdim edib. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, bu məhsulların sırasında “Apple” 11,6 düyüm diaqonallı ekranla təchiz edilmiş “Macbook Air” noutbukunu nümayiş etdirib.

Bundan əvvəl şirkətdə “netbukların olduqca kiçik ekran və narahat klaviaturaya malik” olduğu hesab olunurdu. Lakin bununla belə, indi “Apple” özü də netbuk ölçülü portativ kompüter buraxıb.

Yeni qurğu dünyada ən nazik kompüter kimi qələmə verilir. Qalınlığı cəmi 1,7 santimetr, çəkisi isə 1 kiloqramdan bir qədər artıq olan yeni qurğunun korpusu tam alüminiumdan hazırlanıb. Baza konfiqurasiyasında (1,4 qiqaherslik “Intel Core 2 Duo” prosessoru və 64 Qb yaddaş həcmi) kompüterin qiyməti 999 dollar olacaq. ABŞ-da yeni “Macbook Air” artıq satışa çıxarılıb.

Həmçinin təqdimat mərasimi zamanı şirkətin baş icraçı direktoru Stiv Cobs Mac OS X əməliyyat sisteminin Lion adlı növbəti versiyası barədə də danışıb. Mac OS X Lion 2011-ci ilin yayında satışa çıxarılacaq.

Bundan əlavə Apple iLife 11 əlavələr paketinin yeni versiyasını da nümayiş etdirib.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.