2015-ci ildə dünyada mikrosxemlərin satışı azalacaq

12-10-2015 / 10:36

2012-ci ildən ilk dəfə olaraq dünyada yarımkeçirici mikrosxemlərin satış həcmi ötən ildən az olacaq.

Xeberler.az bildirir ki, Gartner analitik şirkətinin mütəxəssisləri qeyd edirlər ki, azalma 0,8 faiz, ümumi həcmin 337,8 milyard dollar təşkil edəcək.  2012-ci ildə bazarın həcmi 2,6 faiz azalıb. Bununla belə, ötən rübdə analitiklər ilin yekunları üzrə satış həcminin 2,2 faiz artacağını proqnozlaşdırmışdılar.

Şirkət qeyd edir ki, mikrosxemlərin satışı üzrə proqnoz əsas mikrosxem istehlakçısı olan bazarlarda, o cümlədən fərdi kompüter, smartfon və planşetlər bazarında tələbat proqnozlarının azaldılması ilə bağlı azaldılıb. Bundan başqa, ABŞ-dan kənarda vacib bazarlarda tələbat dolların məzənnəsinin artması ilə bağlı azalır. Hətta bayram mövsümünün yaxınlaşması mikrosxemlərin satışına az da olsa təsir göstərməyib.

2016-cı il üçün analitiklərin proqnozu daha optimistdir. Onların fikrincə, satış həcmi 1,9 faiz artaraq 344,1 milyard dollara çata bilər. Lakin 2016-cı ildə DRAM yaddaş mikrosxemlərinin həddən artıq istehsalı gözlənilir. Onun əlamətlərini artıq indi görmək mümkündür, lakin növbəti ildə təkrar istehsal təkcə fərdi kompüterlər üçün mikrosxemlər seqmentinə yox, həm də server sxemlərinə və az enerji sərf edən sxemlərə təsir göstərəcək. Bunun nəticəsində 2016-cı ildə DRAM mikrosxemlərinin satışının pul ifadəsində 12,2 faiz azalacağı qeyd olunur.

Xeberler.az

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.