Gənclər yeni ideyalarını “Onlayn fikir bankı”nda yerləşdirə biləcəklər

27-11-2013 / 10:34
Azərbaycanda gənclərin düşündüyü fikir və ideyaların bir yerə toplanması məqsədi ilə gənclər üçün yeni "Onlayn fikir bankı" adlı layihəyə start verilib.
 
 "ICTnews"un məlumatına görə, Gənclər və İdman Nazirliyinin icra etdiyi sözügedən layihənin məqsədlərindən biri də gənclər üçün yeni imkanların yaradılmasıdır. Nazirliyin mətbuat xidmətindən bildirilib ki, gənclər "www.fikirbanki.az"  saytına daxil olmaqla burada yeni  fikir və ideyalarını açıq istifadə üçün yerləşdirə biləcəklər. Bu təkliflərdən bütün cəmiyyət, o cümlədən dövlət, beynəlxalq və özəl təşkilatlar faydalana biləcəklər.
"Onlayn fikir bankı"nda 12 bölmə fəaliyyət göstərir.
 
Onlar "Sosial Xidmətlər", "İqtisadiyyat", "Təhsil", "Əyləncə", "Media", "Rabitə və Telekommunikasiya", "Tibb və Sağlamlıq", "Ətraf Mühit", "Nəqliyyat", "Milli-Mədəni İrs", "Turizm" və "Mədəniyyət" bölmələridir.
 
 Veb-saytda əlavə olaraq "Ayın qalibi" adlı xüsusi bölmə də yaradılıb ki, burada qalib olan gənclər  Gənclər və İdman Nazirliyinin və tərəfdaş təşkilatların diplomları və qiymətli hədiyyələri ilə mükafatlandırılacaqlar. "Onlayn fikir bankı" layihəsi gənclərin  müzakirələr aparmaları  üçün əlverişli platforma rolunu oynayacaq və cəmiyyətdə gənclərin mövqelərinin möhkəmlənməsinə şərait yaradacaqdır.
 
 
Qeyd etmək lazımdır ki, "Onlayn fikir bankı" layihəsi 2013-cü ilin "İnformasiya-kommunikasiya texnologiyaları ili" elan edilməsi çərçivəsində "Azərbaycan gəncliyi 2011-2015-ci illərdə Dövlət Proqramı"na müvafiq olaraq həyata keçirilir.
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.