Google dünyanın ən yaxşı reputasiyası olan şirkət adlandırılıb

27-05-2010 10:16

Google dünya biznesində ən yaxşı reputasiyaya malik şirkət adlandırılıb. ABŞ-ın Reputation Institute təşkilatının mütəxəssisləri tərəfindən tanınmış Forbes jurnalı üçün dünyanın 32 ölkəsində aparılan sorğu zamanı respondentlərin 600 şirkətə qarşı münasibətləri öyrənilib.

Mütəxəssislərin seçimi zamanı şirkətin kapitallaşdırılması üzrə göstəricilər, insanların bu şirkətin əməkdaşı olmaq istəyi, eləcə də sahibkarların şirkəti öz biznes-tərəfdaşlarına tövsiyə etmək hazırlığı kimi əsas amillər nəzərə alınıb.

Google şirkətinin əməkdaşları burada onlara yüksək əmək haqqı və geniş həcmli sosial paketin təqdim olunması, tərəfdaşları isə etibarlılıq və effektivliyinə görə onu yüksək qiymətləndirilər, www.delo.ua yazır.

Qeyd edək ki, Forbes-in təqdim etdiyi reytinqin 28 şirkəti arasında ən yüksək göstəriciləri istehlakçı və informasiya texnologiyaları sahələrin iştirakçıları nümayiş etdirə biliblər. Belə ki, Yaponiyanın elektronika istehsalçısı Sony şirkəti siyahının ikinci pilləsində yer alıb.

Bundan sonra reytinqdə ABŞ-ın The Walt Disney Company şirkəti və Almaniyanın BMW və Mercedes-Benz kimi avtonəhəngləri təmsil olunur.

Telekommunikasiya bazarının iri iştirakçıları Apple və Nokia müvafiq olaraq 6 və 7-ci yerləri tuturlar. Intel şirkəti isə ilk onluğu bağlayır. 11-ci yerdə də Microsoft şirkəti ilə İT-sektor təmsil

olunub.

Sorğunun yekunu olaraq tərtib olunmuş reytinqdə digər İT-şirkətlər də yer alıblar: Panasonic (13), Philips (15), IBM (17), Hewlett-Packard (18) və Samsung (22).

ŞƏRHLƏR