“Google” şirkəti mobil qurğularda internet trafiki dəfələrlə azaldaraq onun yüklənmə sürətini artıran alqoritm hazırlayıb.
Xəbərlər xarici mətbuata istinadən məlumat verir ki, 2 həftədən sonra ilk dəfə İndoneziyada sınaq rejimində istifadəyə veriləcək yeni texnologiya əvvəlcə yalnız “Chrome” brauzerində və “Android” əməliyyat sistemli qurğularda işləyəcək. Şirkətin məlumatına görə, veb-səhifələrin yüklənmə sürəti 4 dəfə artacaq, trafikin sıxılması isə 80 faiz təşkil edəcək. “Google”un keçirdiyi daxili sınaqlarda bu yolla optimallaşdırılmış səhifələrdə trafikin 50 faiz artdığı müəyyən olunub.
Bildirilir ki, veb-səhifələrin sürətləndirilməsi və optimallaşdırılması naşirlər və reklamçılar üçün yeni imkanlar yaradacaq. Veb-səhifələrin sürətlə yüklənməsi istifadəçilərin səhifədə yerləşdirilmiş reklamları daha tez görməsinə səbəb olduğundan bu texnologiya kommersiya baxımından həm “Google”, həm də onun tərəfdaşı olan reklamçılar üçün sərfəlidir. Şirkət nümayəndələrinin sözlərinə görə, yeni texnologiyadan istifadə zamanı “AdSense”, daha sonra isə “DoubleClick” servislərinin reklamına xüsusi diqqət yetiriləcək.
Texnologiyanın digər ölkələrdə istifadəyə verilmə tarixi haqqında məlumat verilməyib.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri