Google şirkəti Afrikaya internetə ucuz qoşulmağa kömək edəcək
10-09-2008
10:41
Röyters xəbər verir ki, Google şirkəti, HSBC Holdings bankı və Liberty Global provayderi, O3b Networks layihəsini dəstəkləyəcək. Layihənin məqsədi inkişaf etməkdə olan ölkələrin sakinlərinə internetə ucuz qoşulmağa kömək etməkdir.
O3b Networks-un təmsilçiləri 2010-cu ilin sonuna orbitə 16 peyk buraxmaq nəzərdə tutublar. Bu ekvator boyunca yerləşən Afrika, Asiya və Cənubi Amerika ölkələrinə internetə çıxış imkanı verəcək.
Layihəyə qoyulan investisiyalar 700 milyon dollar təşkil edir. Peyklərin istehsalı ilə Thales Alenia Space şirkəti məşğul olacaq.
O3b Networks-un təmsilçiləri onu da qeyd edirlər ki, inkişaf etməkdə olan ölkələrin əksəriyyətində kommunikasiya infrastrukturları yoxdur. Buna görə də həmin ölkələrin sakinləri ya tamamilə internetə qoşula bilmir, ya da bu onlara çox baha başa gəlir. Yeni layihə isə peyk internetinə çox əlverişli qiymətlərlə qoşulmaq imkanı verəcək.
