Yer Kürəsi əhalisinin üçdə biri internetə qoşulacaq

20-10-2010 / 18:53

Bu il dünya üzrə internet istifadəçilərinin sayı iki milyardı keçəcək. Bu Yer Kürəsi əhalisinin üçdə bir hissəsi deməkdir. Bu barədə Beynəlxalq Telekommunikasiya İttifaqının yeni hesabatında bildirilir.

Hesabata əsasən, 2010-cu ildə Qlobal Şəbəkədə qeydə alınmış 226 milyon yeni istifadəçinin 162 milyonu inkişaf edən ölkələrdə yaşayır və bu regionlardan istifadəçi artımı daim yüksəlməkdədir.

Lakin ilin sonuna kimi inkişaf etmiş ölkələrin ümumi əhalisinin 71 faizi internetə qoşulacaq, inkişaf edən ölkələrdə isə bu göstərici cəmi 21 faiz təşkil edəcək.

BTİ mütəxəssisləri qeyd edirlər ki, inkişaf edən ölkələr üçün nəinki şəbəkəyə çıxış, keyfiyyətli internetin təmin olunması olduqca vacib məsələdir. BTİ-nin baş katibi Hamədun Turenin sözlərinə görə, genişzolaqlı çıxış onların əsas hədəfidir: “Sürətli internet iqtisadiyyatda yeni iş yerlərinin açılması, insanların savadlılıq səviyyəsinin artırılması, eləcə də iqtisadi rəqabət üçün uzunmüddətli şəraitlərin yaradılmasına imkan verir”.

mənbə: anspress.com


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.