Güzəştli mənzillərin növbəti onlayn satışı həyata keçiriləcək

11-06-2019 / 10:24

Bakı şəhəri, Yasamal rayonu, Xarici dairəvi yolu, 8 ünvanında yerləşən Yasamal Yaşayış Kompleksinin 6-9 saylı binaları üzrə 10 mənzil, həmçinin 10, 11, 12 və 13 saylı binalarında yerləşən 243 mənzilin, ümumilikdə 253 mənzilin yalnız öz vəsaiti hesabına ödəniş üsulu ilə satışı 12 iyul 2019-cu il tarixində saat 11:00-da başlayacaq və 17 iyul 2019-cu il tarixi saat 00:00-dək davam edəcəkdir.

Xeberler.az  məlumat verir ki, Azərbaycan İnternet Forumunun prezidenti, İKT sahəsi üzrə ekspert Osman Gündüz bu barədə açıqlama verərək MİDA-nın bu istiqamətdə maarifləndirici işləri gücləndirməli olduğunub bildirib:

"Güzəştli mənzillərin növbəti onlayn satışı ilə bağlı elan verilib. Bu dəfə 253 mənzil öz vəsaiti hesabına ödəniş üsulu ilə satışa çıxarılacaq. Satış ”Elektron Hökumət” Portalı üzərindən, 12 iyul 2019-cu il tarixində başlanacaq. Bu dəfə Prezidentin cari ilin əvvəlində verdiyi Fərmana uyğun olaraq gözləmə prinsipi də tətbiq olunacaq. Yəni, mənzildən imtina edənlərin əvəzinə növbədə olanlar seçim edə biləcəklər. Artıq istifadəçilərin elektron kabinetlərində gözləmə qaydasında mənzil seçimi bölmələri yaradılıb. Ehtiyac var ki, MİDA prosesin gedişi və nəticələrlə bağlı, tətbiq edilən yeniliklərlə bağlı və güzəştli mənzillərin onlayn satışı ilə bağlı ən azı bir illik gözləntilər haqqında maarifləndirici işləri gücləndirsin.
Yaxşi olardı ki, bu dəfə MİDA qısa müddət çəkən onlayn satış prosesinin TV-də və sosial mediada canlı yayımını həyata keçirsin. Proses hədsiz tez başa çatdığından, canlı yayımın anlaşıqlı olması üçün də qabaqcadan maarifləndirici işlərin aparılması yaxşı olardı. Eyni zamanda test rejimində onlayn satış modulunu daha tez aktivləşdirmək , onlayn satışı çox sürətlə həyata keçirənlərin video nümunələrini yerləşdirmək də faydalı olardı"


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.