Hərbi jurnalistikaya dair tədbir keçirilib

28-10-2009 / 22:00

Bu gün "Doktrina" Jurnalistlərin Hərbi Araşdırmalar Mərkəzi Açıq Cəmiyyət İnstitutu - Yardım Fondu tərəfindən maliyyələşdirilən "Hərbi sahədə informasiya əldə etmək mədəniyyətinin inkişafı" adlı layihə çərçivəsində "Hərbi məlumatların yayılmasında məhdudiyyətlər olmalıdırmı?" mövzusunda debat keçirdi. Tədbirdə QHT təmsilçiləri, jurnalistlər,  ehtiyatda olan zabitlər və Müdafiə Nazirliyinin ictimaiyyətlə əlaqə şöbəsinin əməkdaşı Teymur Abdullayev iştirak edib.

Mövzuya beynəlxalq prinsiplər çərçivəsində yanaşan Reportyorların Azadlıq və Təhlükəsizlik İnstitutunun əməkdaşı İdrak Abbasov çıxışında jurnalistin əldə etdiyi istənilən məlumatı balanslı şəkildə, senzurasız və dərhal yayılmasının  tərəfdarı olduğunu bildirib.

“Ayna” qəzetinin hərbi yazarı Elçin Eldəniz isə hesab edib ki, hərbi məlumatların yayılmasında əslində Müdafiə Nazirliyi jurnalistlərə kömək etməlidir.

“Manevr” Jurnalist  Araşdırmaları Mərkəzinin sədri Rəşad Süleymanov isə hesab edib ki, jurnalistlər hərbi xarakterli məlumatları yayanda həm də azərbaycanlı olduqlarını unutmamalıdırlar.

Ehtiyatda və İstefada olan Zabitlər İctimai Birliyinin sədri Yaşar Cəfərli  qanunvericilikdə dövlət və hərbi sirr anlayışları barədə məlumat verib.

Hərbi Analitik Tədqiqatlar Mərkəzinin (HATM) direktoru İldırım Məmmədov isə jurnalistin işinin məlumat əldə edib yaymaqdan ibarət olduğunu və buna heç bir maneənin yaradılmamağını lazım bildi. Müdafiə Nazirliyi rəsmisi T.Abdullayev isə  jurnalistlərin peşəkar şəkildə hərbi məlumatların verilməsində təmsil etdiyi nazirliyin də maraqlı olduğunu və bu istiqamətdə jurnalistlərlə əməkdaşlıq etməyə hazır olduqlarını bildirib.

Habelə debatda “Hərbi Jurnalistlər” İctimai Birliyinin sədri Üzeyir Cəfərov və başqaları da çıxış ediblər.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.