İKT Qadınlar klubu məktəbli qızlara dəstək olacaq

03-05-2016 / 10:38

Azərbaycan Qadınları İKT-də - FEMMES DIGITALES klubu Azərbaycan Respublikasının Təhsil Nazirliyi ilə birgə Azərbaycanın orta təhsil müəssisələrində 8-11-ci siniflərdə təhsil alan qız şagirdlərlə İKT sahəsinə marağın formalaşdırılması məqsədilə silsilə maarifləndirici görüşlərin keçirilməsi üzrə layihəyə başlayıb.

Xeberler.az-ın məlumatına görə, sözügedən layihənin ərsəyə gətirilməsi ideyası ötən ilin 23 aprel tarixində akademik Zərifə Əliyeva adına liseydə İKT-də Qızlar Beynəlxalq Gününün qeyd edilməsi çərçivəsində meydana gəlib. O zaman liseydə təhsil alan şagirdlərlə və müəllim heyəti ilə görüşdən sonra klubun təsisçiləri layihənin bütün ölkə üzrə həyata keçirilməsini qərara alıb. 

Layihəyə  mayın 1-də İKT-də Qızlar Beynəlxalq Gününün qeyd edilməsi çərçivəsində Bakı Avropa Liseyində görüşlə başlayıb.

Liseydə təhsil alan şagirdlərlə görüş zamanı FEMMES DIGITALES klubunun təsisçiləri İKT sahəsində öz təcrübələri ilə bölüşüb. Liseyin şagird və müəllimləri öz növbəsində təhsil müəssisəsində yeni texnologiyaların tətbiqi ilə həyata keçirilən layihələr barədə məlumat verib. Görüş ərzində klubun təmsilçiləri şagirdlərin çoxsaylı suallarını cavablandırıb və onların informasiya texnologiyalarına yüksək marağını müşahidə edib.

Görüşün nəticəsi olaraq klub daxilində orta məktəb şagirdləri üçün «Azərbaycan məktəblərində rəqəmsal qızlar» bölümünün yaradılmasına dair qərar qəbil edilib. Sözügedən layihənin FEMMES DIGITALES klubunun Yay Günləri çərçivəsində həyata keçirilməsi planlaşdırılır. Həmçinin, klubun məktəblilərlə bağlı yeni yaradılmış bölümü üçün ölkənin qabaqcıl İT şirkətlərinə ekskursiyaların təşkil edilməsi nəzərdə tutulur.

 Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.