Qəbələdə qızlar üçün İKT konfrans keçirilib-Foto

06-11-2017 / 15:25

“Azərbaycan qadınları İKT-də - FEMMES DIGITALES (AWIC)” klubu ölkənin regionlarında azərbaycanlı qızlar və qadınlar arasında informasiya-kommunikasiya texnologiyalarının yayılması sahəsində öz fəaliyyətini genişləndirməkdə davam edir.

Xeberler.az-ın məlumatına görə, Qəbələ ASAN xidmət-də regionun məktəbli qızları üçün bir sıra tədbirlər keçirilib.

Tədbirin birinci hissəsi çərçivəsində “Azərbaycan qadınları İKT-də - FEMMES DIGITALES (AWIC)” klubunun üzvləri olan Nəqliyyat, Rabitə və Yüksək Texnologiyalar Nazirliyi, B.EST Solutions, ASAN Xidmət, MONT, Cybernet, Azertelecom, Ultra Technologies və digər şirkətlərin xanım nümayəndələri ilə Qəbələ rayonunun məktəbli qızları arasında tanışlıq baş tutub.

Klubun üzvləri informasiya texnologiyaları sahəsində öz karyera tarixçələri ilə bölüşərək, bu sahədə təhsilin perspektivləri haqqında danışıb.

Konfransın kompüter təhsilinə istiqamətlənmiş ikinci hissəsi isə beynəlxalq ixtisaslaşmış tədris mərkəzi olan STEP Azerbaijan İT-Akademiyasının iştirakı ilə keçirilib.

Məşğələlər zamanı xanıım iştirakçılar robotların və digər avtomatlaşdırılmış test mexanizmlərinin yığılması prosesi ilə əyani şəkildə tanış olaraq, bu sahədə ilkin bacarıqlara sahib olub.

Tədbir çərçivəsində Qəbələ rayonunun məktəbli qızları arasında İT startapı üçün ən yaxşı ideya müsabiqəsi keçirilib.

Günün ikinci yarısında isə konfrans iştirakçıları nəticələrin qiymətləndirilməsinə başlanıb. 5 məktəbdən iştirakçı olan 76 xanım şagirddən ibarət komanda arasında keçirilən müsabiqənin nəticələrinə görə qaliblərə konfransın sponsoru və şirkətlərin xanım iştirakçıları tərəfindən xüsusi sertifikatlar və xatirə hədiyyələri təqdim edilib.

FEMMES DIGITALES klubunun təsisçilərindın olan Yana Krimpenin sözlərinə görə, Qəbələdə bilikli, həvəsli və motivasiyalı qızlar var:

 “Mən Qəbələdə bilikli, həvəsli və motivasiyalı qızları gördükdə çox təəccübləndim. Əminəm ki, tezliklə siz müsabiqədə iştirak edən qızlar tərəfindən həyata keçirilən ideyaların şahidi olacaqsınız. Bu artıq FEMMES DIGITALES klubunun reallaşdırdığı ikinci tədbirdir. Qeyd etmək istəyirəm ki, ölkənin gəncləri çox inkişaf edir və bizi yeni planlar qurmağa ruhlandırır".

O qeyd edib ki, Bakıda gənclərin daha çox imkanları var:

"Bizim vəzifəmiz öz imkanlarımız çərçivəsində regiondakı xanımları əhatə edərək, onları öz ideya və qabiliyyətlərini həyata keçirmək üçün motivasiya etmək və yol göstərməkdən ibarətdir. Biz, tələbələr arasında startap üzrə çoxlu yarışmaların şahidi olmuşuq, lakin ilk dəfə olaraq bunu 12 yaşlı məktəblillər üçün keçirdik. Onların ideyalarının reallaşdırılma səviyyəsində olmasına çox təəccübləndim”.

Qeyd edək ki, konfrans ASAN Xidmət-in Qəbələ Mərkəzində Təhsil Nazirliyi və Azərbaycan Respublikası Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin dəstəyi, FEMMES DIGITALES klubunun təşkilatçılığı ilə baş tutub.

Tədbirin baş sponsoru isə Gilan Holding olub.

Günel

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.