Intel şirkətinin direktorlar şurasının sədri və keçmiş rəhbəri Kreyq Barret 2009-cu ilin may ayında şirkəti tərk edəcək.
Onun gedişi haqqında dəqiq məlumat yoxdur, lakin son zamanlar maliyyə böhranı ilə bağlı Intel-in mənfəəti azalıb. Belə ki, 2008-ci maliyyə ilinin dördüncü rübünün yekunları üzrə şirkətin gəliri 2007-ci ilin həmin dövrü ilə müqayisədə 90% azalıb. Bu yaxınlarda isə Intel işçi heyətinin bir hissəsinin işdən azad olunmasını, eləcədə beş zavodun bağlanmasını nəzərdə tutan gələcək struktur dəyişiyi haqqında elan edib.
K.Barretin gedişindən sonra, onun tutduğu vəzifəyə 1993-cü ildən Intel-in direktorlar şurasının üzvü olan Ceyn Şou təyin ediləcək, Lenta yazır.
35 ildir ki Intel-də çalışan Kreyq Barret 1998-ci ildən 2005-ci ilədək icraçı direktor kimi fəaliyyət göstərirdi. Bu vəzifədən o, şirkətin qaydalarına əsasən, 65 yaşı tamam olması ilə əlaqədar kənarlaşmaq məcburiyyətində qalmışdır.
Xatırladaq ki, ötən ilin iyun ayında K.Barret Azərbaycana səfər etmişdir. Onun səfəri zamanı Intel şirkəti, Azərbaycan Rabitə və İnformasiya Texnologiyaları Nazirliyi və Azərbaycan Təhsil Nazirliyi arasında informasiya texnologiyaları sahəsində əməkdaşlığa dair protokol imzalanmışdır.
xeberler.az/Ellada
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri