RƏQƏMSAL DÜNYA

Psixoloqların fikrincə, internetdə gizli qalmaq arzusu təsadüfi deyil. Yəni internet istifadəçiləri virtual məkanda, nik seçimlərini heç də təsadüfdən etmirlər. Niklər, demək olar ki, sahibinin özünü necə görmək istəməsi arzusundan yaranır. Bu ləqəblər adətən, insanın öz şəxsi həyatı, peşəsi, mənşəyi, vətəni, el-obası, nəsli, baxdığı kinolar, teleseriallar, oxuduğu kitablar və s. ilə bağlı olur.

Qeyd edək ki, gerçək aləmdə olduğu kimi virtual məkanda da ehtiyatlı olmaq lazımdır. Kibercinayətkarlıqla məşğul olanlar virtual aləmdə cəlbedici niklər seçməklə özlərinə yeni “qurban”lar axtarırlar. Yaxşı səslənən niklər internet istifadəçilərinin diqqətini tez cəlb edir. Bundan istifadə edən cinsi oriyentasiyası düz olmayan insanlar maraqlı ləqəblər seçərək virtual məkanda əsasən uşaqları təqib edirlər. Uşaq psixologiyasını, istəklərini, musiqi aləmini bilən pedofillər Ümumdünya Hörümçək Torunda, balacaları “tor”a salmağa çalışırlar. Bu barədə söhbətlər çox olsa da, filmlər çəkilsə də statistika göstərir ki, hər il minlərlə insan kibercinayətkarların qurbana çevrilir. Ona görə də valideynlərin diqqətli olması, övladlarına internetdən istifadə edərkən, ehtiyatlı olmalarını başa salmaqları olduqca vacibdir. Peşəkar və təcrübəli internet istifadəçiləri ləqəblərin adlarından onların sahiblərinin cinsini, peşəsini, yaşını, xasiyyətini, hətta əsl adını da müəyyənləşdirməyin mümkün olduğunu bildirirlər.

Məsələn, niklərin tərkibində olan rəqəmlər insanın adına, yaşına, doğulduğu ilə, məktəbi qurtardığı və ya instituta girdiyi tarixə işarə edə bilər. Ləqəblərdəki baş hərflərin kombinasiyası istifadəçinin adının, soy adının, atasının adının və ya oxuduğu institutun, işlədiyi təşkilatın adının baş hərflərini göstərə bilər. Təcrübəli user nik sahiblərinin forumlardakı və ya çatlardakı çıxışlarını analiz etməklə onların kimliyini də asanlıqla müəyyənləşdirə bilərlər. Ona görə də niklər vasitəsilə özlərini virtual məkanda məxfi və ya \\\"agent 007\\\" hesab edənlər, düşünməsinlər ki, onların şəxsiyyətini müəyyənləşdirmək qeyri-mümkündür.