Uşaqları internetdəki təhlükələrdən necə qorumalı?

01-02-2017 / 14:12

Valideynlərin əksəriyyəti uşaqlarda internet-asılılığın yaranmasına görə narahatdırlar. Lakin bununla belə, onların yarısı indiyədək uşaqlarının virtual reallıqdakı həyatı haqqında xəbərsizdirlər.

Britaniya ekspertləri valideynlərə uşaqları internet mühitində mövcud olan təhlükələrdən qorumaq üçün sadə məsləhətlər veriblər.

Xeberler.az İnformasiya Texnologiyaları İnstituna istinadən məlumat verir ki, valideynlər ailə ilə şam yeməyi və ya ünsiyyət zamanı smartfon və sosial şəbəkələrdən istifadəni məhdudlaşdırmaqla müsbət nümunə göstərməlidirlər.

Uşaqla internetdə təhlükəsizlik mövzusunda tez-tez söhbət etmək vacibdir. Məsələn, izah etmək olar ki, yad insanlar tərəfindən göndərilən elektron məktubları açmaq lazım deyil.

Sosial şəbəkələrdə saxta profillərin mövcudluğu haqqında xəbərdarlıq etmək və uşağı yad insanlardan gələn “dostlara əlavə et” sorğularını rədd etməyə inandırmaq lazımdır.

Evdəki kompüterləri idarə etməyə imkan verən müvafiq antivirus proqram təminatını quraşdırmaqla evdəki internet şəbəkəsini nəzarət altına almaq zəruridir.

Bu məsləhətlər Böyük Britaniyada 1000 valideyndən alınan sorğudan sonra dərc edilib.

Sorğu nəticəsində məlum olub ki, onların 40 faizi uşaqlarının internetdəki həyatından tamamilə xəbərdardır. Valideynlərin 29 faizi məsələyə laqeydlik nümayiş etdirir.

Onların üçdə biri isə uşaqları internetdəki təhlükələrdən qorumaq üçün daha sadə üsul meydana çıxarsa, uşaqlarının onlayn fəaliyyətinə nəzarət etməyə hazır olacaqlarını bildiriblər.

Valideynlərin 42 faizi internetdən istifadəni yalnız yatarkən məhdudlaşdırmağa hazırdır. Onların 28 faizi təhlükəsizlik qaydalarına tam riayət edildikdə internetdən istifadə etməyə icazə verirlər.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.