Azərbaycanda vençur fondları və kraudfandinq üçün hüquqi baza yaradılacaq.
Xeberler.az məlumat verir ki, bunu Rəqəmsal İnkişaf və Nəqliyyat Nazirliyinin tabeliyindəki İnnovasiya və Rəqəmsal İnkişaf Agentliyinin (İRİA) İdarə Heyətinin sədri Fərid Osmanov Bakıda keçirilən "X Beynəlxalq Maliyyə və Bankçılıq Sammiti"ndə deyib.
Onun sözlərinə görə, ölkədə innovasiya ekosisteminin inkişafı məqsədilə vençur fondları, kraudfandinq və digər innovativ maliyyə alətləri üzrə yeni qanunvericilik paketinin hazırlanması yekunlaşmaq üzrədir: "Rəqəmsallaşma prosesi ilə paralel olaraq ölkədə innovativ düşüncənin və innovasiya ekosisteminin formalaşdırılması əsas hədəflərdən biridir. Bu istiqamətdə Mərkəzi Bank və digər aidiyyəti qurumlarla birlikdə geniş qanunvericilik paketi üzərində işimizi başa çatdırmaq üzrəyik. Yaxın zamanda vençur fondları, kraudfandinq, innovativ maliyyə alətləri, texnoparkların təqdim etdiyi güzəştlər və yüksək ixtisaslı mütəxəssislərin ölkəyə cəlb edilməsinin sadələşdirilməsi ilə bağlı hüquqi baza formalaşdırılacaq".
F. Osmanov qeyd edib ki, qəbul olunacaq qanunvericilik paketi rəqəmsal iqtisadiyyatın və maliyyə sektorunun inkişafına əlavə təkan verəcək.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları