TEXNOLOGİYA

AMEA İnformasiya Texnologiyaları İnstitutununda elektron terminoqrafiyanın işlənilməsi, informasiya texnologiyalarının müxtəlif istiqamətləri üzrə toplanmış ən müasir terminlərin seçilməsi, tərcümə edilməsi, təsnifi, sistemləşdirilməsi və qlossarilərin hazırlanması ilə bağlı işlər görülür.

AMEA-dan Xeberler.az-a verilən məlumata görə, informasiya texnologiyalarının müxtəlif istiqamətləri üzrə seçilmiş ən müasir terminlərin işlənilməsi ilə əlaqədar  jurnal, konfrans materialları ilə yanaşı, EBSCO, EBSCO ebooks, ACM DL, IEEE CS DL, Springer Link, “eb of Knowledge, IOP publishing elektron kitabxanalarında axtarışları aparılır.

Qeyd edilib ki, Big Data, bioinformatika və digər sahələr üzrə müxtəlif mənbələrdən 140-a yaxın yeni terminin toplanıb, bu terminlərin Azərbaycan, ingilis və rus dillərində tərcüməsi və izahlı təsnifatının təqdim olunub.

İnformasiya texnologiyalarının müxtəlif sahələri üzrə toplanmış ən müasir terminlər əsasında “Ən yeni terminlər informasiya sistemi”nin işlənib hazırlanıb və bu sistemin verilənlər bazasının yaradılması və idarə edilməsi proqramı vasitəsilə əsas və köməkçi cədvəllərin strukturu, onlar arasındakı əlaqələr, sistemin arxitekturası, verilənlərin manipulyasiyası üçün nəzərdə tutulmuş forma və sorğuların yerinə yetirilib.

Məlumatda qeyd edilib ki,  toplanmış terminlərin etimoloji mənbəyi, yaranma tarixi və digər dillərdə işlənilməsi istiqamətində araşdırmalar aparılır.

Terminlər əsasında krossvordların və “İnformasiya texnologiyalarının müxtəlif istiqamətləri üzrə seçilmış ən müasir terminlər” ekspress-informasiyasının II, III və IV hissələri hazırlanıb.

Məltəm Talıbzadə