TƏDBİRLƏR

 AMEA İnformasiya Texnologiyaları İnstitutunun  elektron dövlətin formalaşması problemləri istiqamətində e-dövlət mühitində ölkələrarası inteqrasiyanın ölçülməsi üçün metod və alqoritmlərın işlənilməsi üzrə araşdırmaların  bu il də davam etdirilməsi  müzakirə edilib.

AMEA-dan Xeberler.az-a verilən məlumata görə, qeyd edilib ki, terminoloji informatikanın formalaşması problemləri üzrə Azərbaycan terminoloji informasiya sisteminin işlənməsi ilə bağlı görüləcək. Bu istiqamətdə terminoloji informasiya sisteminin işlənməsi və Data Mining texnologiyası əsasında terminoloji verilənlər bazasının analitik təhlili planlaşdırılır.

Həmçinin şöbə əməkdaşları tərəfindən veb-texnologiyalar, virtual məkanda Azərbaycan dilinin tətbiqi və İnternet-medianın formalaşması problemləri istiqamətlərində araşdırmaların davam etdiriləcəyi qeyd edilib.

İnstitutun www.ict.az saytının 2016-cı il üçün fəaliyyət planını təqdim edərək saytın daimi istismarının həyata keçirilməsi, müxtəlif göstəricilər üzrə statistik məlumatların toplanması və emalı, saytın yeni dizaynının işlənilməsi və informasiya təminatı ilə bağlı görüləcək işləri nəzərə  çatırılıb.

AMEA-nın akademik-katibi, AMEA İnformasiya Texnologiyaları İnstitutunun direktoru, akademik Rasim Əliquliyev qabaqcıl texnologiyaların inkişafı nəticəsində informasiyanın əldə olunması, emalı və ötürülməsinin asan bir prosesə çevrildiyi bir dövrdə veb-saytların mühüm rol oynadığını deyib.

O, müxtəlif qurumların, o cümlədən Azərbaycan Milli Elmlər Akademiyasının elmi müəssisə və təşkilatlarının veb-saytlarının fəaliyyətinin yüksək səviyyədə təşkilinin vacibliyini qeyd edib.

 Akademik veb-resursların, o cümlədən www.ict.az saytının elmi fəaliyyətin təbliğinin yüksək səviyyədə təşkili, cəmiyyətin informasiya əldə etmək hüququnun təmin olunması və elmi informasiyaya olan tələbatının ödənilməsində mühüm əhəmiyyət kəsb etdiyini diqqətə çatdırıb.

 Xeberler.az