İnformatika üzrə X Ümumrespublika Olimpiadasının finalı olub

04-05-2015 / 17:14

AMEA-nın İnformasiya Texnologiyaları İnstitutunda 17 May - Dünya Telekommunikasiya və İnformasiya Cəmiyyəti Gününə həsr olunan “Ali məktəb tələbələri arasında informatika üzrə X Ümumrespublika Olimpiadası”nın final mərhələsi keçirilib.

Qafqaz Universitetinin Mətbuat şöbəsindən Xəbərlər-ə verilən məlumata görə, tədbir Rabitə və Yüksək Texnologiyalar Nazirliyi, Heydər Əliyev Fondu, Təhsil Nazirliyi və AMEA-nın İnformasiya Texnologiyaları İnstitutunun birgə təşkilatçılığı ilə baş tutub.

Qeyd edək ki, Olimpiadanın 5 aprel 2015-ci il tarixində Qafqaz Universitetində keçirilmiş ilk mərhələsində Respublikanın 16 ali təhsil müəssisəsindən 55 komanda (hər komandada 3 nəfər) iştirak edib. Bu ildən tətbiq olunan yeni qaydalara əsasən birinci mərhələdə iştirak edən ali təhsil müəssisələrinin ən yüksək nəticə göstərən bir komandası (12 ali təhsil müəssisəsindən 12 komanda) olimpiadanın final mərhələsinə vəsiqə qazanıb.

Final mərhələsində Qafqaz Universiteti – Qafqaz Programmers, M. V. Lomonosov adına MDU-nun Bakı filialı – BakuMSU1, ADA Universiteti – ADA U4, Azərbaycan Texniki Universiteti – AzTU1, Bakı Dövlət Universiteti – BSU_2, Milli Aviasiya Akademiyası – NAA50, Azərbaycan Memarlıq və İnşaat Universiteti – AzMİU, Azərbaycan Dövlət Neft Akademiyası – ADNA1, Bakı Ali Neft Məktəbi – BHOS1, Azərbaycan Universiteti – AU_1 Naxçıvan Dövlət Universiteti – NDU, Dövlət İdarəçilik Akademiyası – DIA group-k komandaları iştirak edib.

Müsabiqə zamanı komandalara 9 məsələnin həlli alqoritminin proqramını tərtib etmək tapşırığı verilib. Məsələlər e-olimp.com.ua/az avtomatik qiymətləndirmə sistemi vasitəsilə qiymətləndirilib. Qafqaz Universitetinin Qafqaz Programmers komandası “Ali məktəb tələbələri arasında informatika üzrə X Ümumrespublika Olimpiadası”nın birincisi olub. Qafqaz Programmers komandası ardıcıl olaraq 5 il bu müsabiqənin birincisi olub. 

Sevinc Çəltikova


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə