Kənd Təsərrüfatı Nazirliyi AgroUber rəqəmsal həllini təqdim edib

21-05-2021 / 16:51
"Kənd Təsərrüfatı Nazirliyi aqrar sektorun rəqəmsallaşması istiqamətində növbəti addım atıb. Nazirliyin Aqroservis qurumu AgroUber rəqəmsal həllini təqdim edib.
 
Nazirliyin indiyədək ortaya çıxardığı Elektron Kənd Təsərrüfatı İnformasiya sistemi -eAgro sistemi daha çox Nazirliyin öz daxili fəaliyyətini qurmağa, Nazirliyə effektiv qərarlar qəbul etməyə kömək edirdi".
 
Xeberler.az bildirir ki, məsələyə Azərbaycan İnternet Formunun Prezidenti Osman Gündüz münasibət bildirib:
 
"Bu resursun özünün təkmilləşdirilməsinə ciddi ehtiyac var, sistemin yenilənməsi ləng aparılır, qanunvericilikdəki dəyişikliklər burada öz əksini gec tapır, bəzən müşahidə edirik ki, sistemdəki elektron müraciətdən yerli DAİM qurumların ümumiyyətlə xəbəri olmur.
 
Aqrar prosesin birbaşa iştirakçılarına, fermerlərə, aqrar mütəxəssislərə və işçilərə fayda verəcək rəqəmsal resurslar isə indiyədək hazırlanmamışdı. AgroUber rəqəmsal həlli isə məhz birbaşa proses iştirakçılarına yönəlib, resurs müxtəlif aqroxidmətlər üzrə fermerlər və mexanizatorlar arasında onlayn platforma üzərindən əlaqələndirməni təmin edəcək.
 
Bu resursla fermer istənilən mövsümdə müvafiq aqrotexniki xidmətlər üzrə axtarış aparmaq imkanı qazanır. Proqram fermerin seçiminə uyğun olaraq mexanizatoru təyin edir və sifarişi formalaşdırır, fermerlərin birbaşa mexanizatorlara çıxışı təmin edilir və vahid mexanizator bazası formalaşdırılır.
 
AgroUber-lə ilkin tanışlığımda belə qənatə gəldim ki, resursun təkmilləşdirilməsinə, ciddi tanıtım və marketinq işlərinin təşkilinə, hər bir fermerin telefonunda bu resursun olması və datanın formalaşması üçün, rəqəmsal savadlılığın artırılması üçün Nazirliyin yerli DAİM və digər qurumları tərəfindən dəstək tədbirlərinin aparılmasına ciddi ehtiyac var.
 
Kənd təsərrüfatının rəqəmsallaşdırılması istiqamətində Nazirliyin və onun digər tabeli qurumlarının atdığı addımlar təqdirə layiqdir".

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.