Bu konfrans ölkədə kibertəhlükəsizlik və rəqəmsal suverenlik sahəsində elmi müzakirələrin genişləndirilməsi baxımından əhəmiyyətli tədbirlərdən biri hesab olunur.
05 mart 2026-cı il tarixində Azərbaycanda kibertəhlükəsizlik və rəqəmsal dövlət quruculuğu mövzusuna həsr olunmuş mühüm elmi tədbir keçiriləcək.
Xeberler.az bildirir ki, “Dövlətin kibersuverenliyinin təmin olunmasının elmi-praktiki problemləri” adlı respublika konfransı Azərbaycan Respublikası Elm və Təhsil Nazirliyinin İnformasiya Texnologiyaları İnstitutu, Dövlət Təhlükəsizliyi Xidmətinin Heydər Əliyev adına Akademiyası, Azərbaycan Texniki Universiteti və Azərbaycan Kibertəhlükəsizlik Təşkilatları Assosiasiyası tərəfindən birgə təşkil olunur.
Konfransın əsas məqsədi dövlətin kibersuverenliyinin təmin olunması ilə bağlı elmi-nəzəri və praktiki problemlərin, bu sahədə mövcud yanaşmaların, eləcə də aparılan tədqiqatların nəticələrinin müzakirəsidir.
Qeyd olunur ki, ölkədə genişlənən rəqəmsal transformasiya prosesi dövlət idarəçiliyində ciddi dəyişikliklər yaradır və bu sahədə yeni çağırışlar, risklər və təhdidlər formalaşdırır. Bu baxımdan tədbirdə kibersuveren dövlət modelinin qurulması, rəqəmsal dövlət sistemlərinin təhlükəsizliyi və dayanıqlılığı, eləcə də kritik infrastrukturun qorunması kimi məsələlər ön planda olacaq.
Konfrans çərçivəsində aşağıdakı istiqamətlər üzrə müzakirələr aparılacaq:
rəqəmsal ekosistemin formalaşdırılması
data və texnoloji suverenlik
şəbəkə və bulud infrastrukturu
süni intellekt həlləri
kibertəhlükəsizlik və rəqəmsal dayanıqlıq
kritik sistemlərin qorunması
milli rəqəmsal dövlətin inkişafı
enerji təhlükəsizliyi ilə kibersuverenliyin əlaqəsi
milli proqram sənayesinin inkişafı
rəqəmsal platformalarda linqvistik suverenlik
kadr hazırlığı və insan resursları
Tədbirdə həmçinin rəqəmsal dövlət xidmətlərinin keyfiyyəti və vətəndaş məmnuniyyətinin qiymətləndirilməsi, bulud əsaslı dövlət infrastrukturunun qurulması kimi aktual mövzular da müzakirə olunacaq.
Konfrans kibersuveren dövlətin formalaşdırılması istiqamətində gələcək tədqiqat prioritetlərinin müəyyənləşdirilməsi üçün mühüm platforma kimi çıxış edəcək və qlobal çağırışlara uyğun həllərin müzakirəsinə töhfə verəcək.
Bu konfrans ölkədə kibertəhlükəsizlik və rəqəmsal suverenlik sahəsində elmi müzakirələrin genişləndirilməsi baxımından əhəmiyyətli tədbirlərdən biri hesab olunur.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları