TEXNOLOGİYA

Lenovo və NVIDIA generativ süni intellektin geniş tətbiqi üçün hibrid həllərin ortaq portfelini genişləndirdiklərini elan edib. 

Şirkətlərin öz məlumatlarına əsaslanan xüsusi süni intellekt (Sİ) modellərini tez bir zamanda yaratmaq və işə salmaq üçün sürətli hesablama, Sİ proqramı və ekspert xidmətlərini birləşdirən hərtərəfli həllər toplusuna olan ehtiyacı həndəsi silsilə üzrə artır. Partnyorlar tərəfindən elan edilən həllər məlumatların yaradıldığı hər yerdə süni intellekt tərəfindən dəstəklənən yüksək performanslı hesablama gücünə birbaşa çıxışı təmin edir. Gələcəkdə bu, istənilən sahədə olan şirkətlərə generativ Sİ tətbiqlərini asanlıqla yerləşdirməyə imkan verəcəkdir.

NVIDIA üzərində qurulmuş Lenovo sistemləri istehsalda təhlükəsiz və sabit Sİ təqdim etmək üçün NVIDIA AI Enterprise proqramı üzərində işləmək üçün optimallaşdırılıb. NVIDIA AI Enterprise-a daxil olan NVIDIA NeMo™ çərçivəsindən istifadə edərək təşkilatlar NVIDIA AI Foundations-da mövcud olan böyük dil modellərini fərdiləşdirə bilərlər. Müəssisələr Retrieval Augmented Generation (RAG) və dəqiq tənzimləmə üsullarından istifadə edərək istehsal üçün optimallaşdırılmış və Lenovo hibrid süni intellekt həlləri ilə təchiz edilmiş unikal biznes məlumatları əsasında generativ süni intellekt proqramları yarada bilərlər.

Portfel yenilənməsi çərçivəsində NVIDIA AI Enterprise ilə işləyən və istehsal Sİ üçün optimallaşdırılmış Lenovo ThinkSystem SR675 V3 və ThinkStation PX iş stansiyası təqdim olunmuşdur. ThinkSystem SR675V3 NVIDIA l40s GPU, NVIDIA BlueField-3 məlumat prosessoru və NVIDIA Spectrum-x şəbəkəsi ilə təchiz edilmişdir. ThinkStation PX, sistemdə 4-x-ə qədər NVIDIA rtx 6000 Ada GPU-nun istifadəsi sayəsində inkişaf etmiş Sİ imkanları və masaüstü məlumat mərkəzi performansını təmin edir.

Lenovo və NVİDİA NVIDIA MGX™ çevik modul dizaynı əsasında, ən yüksək generativ Sİ iş yükləri üçün geniş və etibarlı həllər toplusunu və Müəssisələrə NVİDİA Omniverse, OpenUSD proqramlarını birləşdirmək və inkişaf etdirmək üçün platformalar miqyasında immersiv simulyasiya və koqnitiv həllər təmin etmək üçün yeni nəsil sistem yaradacaqlar.

Bildirək ki, Lenovo həlləri bu yaxınlarda elan edilmiş VMware Private AI Foundation-u NVIDIA ilə dəstəkləyəcək və yüz minlərlə VMware müştərisinə generativ süni intellektin tətbiqini sürətləndirməyə imkan verəcək.