NVIDIA-nın mobil ambisiyaları
27-10-2008
12:53
“Biz yaxın gələcəkdə mobil platforma üçün inteqral adapterlər bazarının 30 faizini tutmağı planlaşdırırıq”- NVIDIA-nın texniki marketinq üzrə direktoru Nik Stem bəyan etdi. Bu məqsədə nail olmaq üçün NVIDIA yaxınlarda təqdim edilmiş qrafik GeForce 9400M prosessoruna kömək etməlidir. Prosessoru artıq Apple noutbuklarında, gələcəkdə isə digər noutbuklarda görmək olar.
Hazırda bazarın iddialı lideri İntel-dir. Lakin vəziyyət tezliklə dəyişə bilər. Məsələ ondadır ki, IGP NVIDIA GeForce 9400M təkcə səmərəliliyi ilə seçilmir. O, həm də yüksək enerji effetivliyinə və əlavə imkanlara malikdir. Lakin bununla yanaşı, bunlar yalnız fərziyyələrdir. Hələlik İntel əvvəlki kimi öndədir. 9400M modelinin nə dərəcədə məşhur və səmərəli olacağını isə zaman göstərəcək.
Yeri gəlmişkən NVIDIA -nın vaxtı o qədər də çox deyil. Çünki İntel 2009-cu ilin sonunda yeni İGP-lər təqdim etməyə hazırlaşır.
