TEXNOLOGİYA

Lenovo EMEA regionunda giriş səviyyəli Məlumat Saxlama Sistemləri üzrə aparıcı təchizatçıya çevrilib

 Lenovo Avropa, Yaxın Şərq və Afrika ölkələrində giriş səviyyəli Məlumat Saxlama Sistemlərinin satış gəliri üzrə birinci yeri tutub. Şirkət “verilənlər xəzinəsi xidmət kimi” modeli də daxil olmaqla, müəssisələrə yeni nəsil məlumat idarəetmə həlləri ilə məlumatları və Sİ texnologiyalarını periferiyadan buluda kimi miqyaslaşdırmağa kömək edir. 

IDC Enterprise Storage Systems Tracker-in 2022-ci ilin üçüncü rübü üçün olan hesabatına əsasən, Lenovo şirkəti giriş səviyyəli Məlumat Saxlama Sistemləri (MSS) üzrə mənfəət  göstəricisinə görə Avropa, Yaxın Şərq və Afrika ölkələrində aparıcı təchizatçı olub. Yenilənmiş reytinqdə şirkət ilk dəfə olaraq “Qiymət aralığı 1-4” kateqoriyasında liderlik əldə edib. Lenovo-nun pay artımı EMEA regionu üzrə giriş səviyyəli MSS bazarında ümumi artım dövrünə təsadüf edib ki, bu da əvvəlki illə müqayisədə «ABŞ dolları ilə təchizatçı gəliri»ndə 36,8% artım təşkil edib.

«Məlumatı toplamaq, qorumaq, saxlamaq, təhlil etmək və idarə etmək bacarığı hər bir təşkilatın fəaliyyəti üçün çox vacibdir və Lenovo bu məsələlərin həlli üzrə müştərilər üçün etibarlı tərəfdaş olmağa çalışır. EMEA regionunda №1 giriş səviyyəli MSS təchizatçısı olaraq, biz geniş tərəfdaşlar şəbəkəmiz sayəsində istənilən ölçülü bizneslər üçün vacib olan həllər təklif edirik. Bu həllər sayəsində dünyanın istənilən yerində fəaliyyət göstərən şirkətlər məlumatların potensialından istifadə edib öz bizneslərini maksimum səmərəliliklə transformasiya edə bilərlər», - deyə Lenovo İnfrastruktur Solutions Group-un EMEA regionu üzrə prezidenti Covanni Di Filippo şərh edib. 

Lenovo TruScale Infinite Storage həlli ilə birlikdə yeni geniş təhlükəsizlik funksiyaları (ani çəkilişlərin köməyi ilə icazəsiz daxilomaya qarşı qəsbçi proqramlardan qorunma kimi) giriş səviyyəli müəssisələrə məlumat artımına tez uyğunlaşmağa kömək edir. İstifadədən asılı olan müddətsiz ödəniş modeli məhsuldarlığın və tutumun miqyaslaşdırılmasına ehtiyac yarandıqda çeviklik təmin edir, bununla da innovasiyaların tətbiqini sürətləndirir və əməliyyat iş yükünü optimallaşdırır. Müştərilər öz İT infrastrukturlarını dəyişən biznes tələblərinə istənilən vaxt uyğunlaşdırmağa imkan verən, qənaətcil bulud modeli olan təhlükəsiz və güvənli lokal verilənlər xəzinəsindən istifadə üstünlükləri əldə edirlər. 

Lenovo-nun geniş tərəfdaş ekosistemi sayəsində şirkətin sifarişçiləri (bulud xidmətləri üzrə ən kiçikdən tutmuş ən böyük təchizat şirkətlərinə kimi) obyektlərdə məlumatların saxlanılması və idarə edilməsi üçün gələcəkdə asan miqyaslandırma imkanı verən etibarlı və istifadəsi rahat həllər əldə edirlər.

Lenovo məlumatların idarə edilməsi üçün biznes həllərinin tam portfelini təklif edir. Bu portfelə daxildir: korporativ verilənlər xəzinəzi, hiper-konvergent infrastruktur (HCI), proqram təminatı ilə müəyyən edilmiş verilənlər xəzinəsi (SDS), «xidmət kimi» modeli olaraq təklif edilən TruScale Infinite Storage həlləri, eləcə də tərəfdaşlarla - müstəqil proqram təminatı təchizatçıları (ISV) ilə birlikdə hazırlanmış iş yüklərinə xidmət üçün şaquli yönümlü həllər. Lenovo diqqətini satış kanallarına və ISV tərəfdaşlarına yönəltməyə davam edir ki, bu da şirkətə davamlı olaraq inkişaf etməyə və müştərilərin ehtiyaclarına uyğunlaşdırılmış yüksək SLA tələblərinə əsaslanan alətlər və xidmətlər təklif etməyə kömək edir.