Media Hüququ İnstitutu dövlət qurumlarını məhkəməyə verib

12-11-2009 / 11:50

Media Hüququ İnstitutu (MHİ) ictimaiyyətə açıq tutulmalı olan məlumatları qapalı saxladığına görə Radiotezliklər üzrə Dövlət Komissiyasını, Rabitə və İnformasiya Texnologiyaları Nazirliyinin (RİTN) Dövlət Radiotezliklər İdarəsini və Milli Televiziya və Radio Şurasını məhkəməyə verib. Səbail Məhkəməsi şikayəti təmin edərsə adıçəkilən qurumlar Azərbaycanın tezlik resursları barədə məlumatları ictimaiyyətə açıqlamalı olacaqlar.

Media Hüququ İnstitutunun əməkdaşları oktyabrın əvvəlində Radiotezliklər üzrə Dövlət Komissiyasından və  RİTN-in Dövlət Radiotezliklər İdarəsindən Azərbaycanın radiotezlik zolaqlarının bölüşdürülməsi üzrə Milli Cədvəlin surətini, Azərbaycanda teleradio yayımı məqsədilə ayrılmış tezliklərin siyahısını istəyib. Milli Televiziya və Radio Şurasından isə teleradio yayımı məqsədilə ayrılmış, istifadəyə verilmiş, eləcə də hazırda boş olan tezliklərin siyahısı, habelə Azərbaycanda fəaliyyət göstərən teleradio kanalları monitorinq edilən zaman istifadə olunan metodologiyanı əks etdirən sənədlərin surəti, monitorinqlərin keçirilməsini nəzərdə tutan, tənzimləyən qurumdaxili normativ aktların surətləri istənilib. 

RİTN-in Dövlət Radiotezliklər İdarəsi informasiya sorğularını cavablandırmayıb. Radiotezliklər üzrə Dövlət Komissiyası və Milli Teleradio Şurası isə bilgiləri verməkdən imtina ediblər.

MHİ Səbail Məhkəməsindən dövlət qurumlarının informasiya sorğusunu cavablandırmamasını qanunsuz sayan, həmin qurumların üzərinə sorğuları cavablandırmaq vəzifəsi qoyan qətnamə qəbul etməsini xahiş edib.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə