Xarici vətəndaşlara elektron vizaların verilməsi prosesinə yalnız yerli turizm şirkətləri cəlb edilməyəcək. Azərbaycan Turizm Assosiasiyasının rəhbəri Nahid Bağırov bildirib ki, elektron vizaların verilməsi haqqında ölkənin prezidentinin sərəncamına görə, turizm sənayesinin nümayəndələri kimi turizm şirkətləri də bu prosesdə iştirak edəcəklər,
Onun sözlərinə əsasən, köhnə qaydalardan fərqli olaraq turistlər əvvəlki kimi elektron vizaları turizm şirkətləri vasitəsilə ala biləcəklər, ölkəyə turist qismində gəlməyən əcnəbi vətəndaşlar isə online rejimdə viza rəsmiləşdirə biləcəklər. 30 noyabr 2012-ci il dövlət başçısının sərəncamına əsasən, Nazirlər Kabineti ölkəyə gələn turistlərə elektron vizaların verilməsi üçün elektron ərizə formasının, tələb olunan digər sənədlərin siyahısının, habelə viza rəsmiləşdirilməsi ilə əlaqədar zəruri məlumatların on gün müddətində Azərbaycanın xarici ölkələrdəki bütün səfirlikləri və konsulluqlarının internet informasiya ehtiyatlarında yerləşdirilməsini təmin etməlidir.
Eyni zamanda, paralel olaraq, Xarici İşlər Nazirliyi və Milli Təhlükəsizlik Nazirliyinə qısa müddətə səfirliklər və konsulluqlarımız vasitəsilə turistlərə elektron vizaların verilməsinə başlamağa göstəriş verilib.
