TƏDBİRLƏR

Avqust ayında MHM 2014-cü ildə aldığı İSO 27001:2005 sertifikatını yeniləyərək İSO 27001:2013 beynəlxalq standartı üzrə sertifikata layiq görülüb.

Xəbərlər-in verdiyi məlumata görə, RYTN MHM Microsoft şirkətinin sertifikatlaşdırılmış Gümüş tərəfdaşlığını qazanmaqla, mütəxəssislərinin Microsoft texnologiyaları üzrə ekspertizadan keçməsini və müştərilərinin ehtiyaclarını yüksək səviyyədə qarşılamaq qabiliyyətini bir daha təsdiqləyib. Müəssisənin hazırlıq səviyyəsi onun Microsoft tərəfdaşlar siyahısında ilk 5 faiz şirkətlər sırasında qərarlaşmasına imkan verib.

Məlumat Hesablama Mərkəzinin altı proqramçısı və üç texniki xidmət mütəxəssisi sınaq imtahanlarından müvəffəqiyyətlə keçib və Microsoft-un peşəkar sertifikatına layiq görülüblər.

Dünyanın 32000 şirkətini özündə birləşdirən Microsoft tərəfdaşlıq şəbəkəsinə üzv olmanın əsas üstünlükləri  aşağıdakılardır:

- Gümüş tərəfdaşa tədris mərkəzi tərəfindən lokal onlayn kurslar, virtual labaratoriyalar və müstəqil təhsil resurslarından faydalanmaq imkanı verilir. Bu öz növbəsində işin səmərəliliyini artmasına, texniki və marketinq bacarıqlarının yüksəlməsinə xidmət edən amillərdəndir.

- Gümüş tərəfdaş olmasının digər faydası ondan ibarətdir ki, müəssisə tərəfindən Microsoft Certified Partner loqosunu istifadə etmək imkanı yaranır. Qeyd edilən loqo şirkət tərəfindən təmin edilən xidmətlərin, proqram təminatlarının və texniki dəstəyin ən yüksək səviyyədə olduğunun göstəricisidir. Microsoft Gümüş tərəfdaşı olan şirkət loqosunu öz veb saytındada istifadə edə bilər.

- Müəssisə daxili istifadə üçün Microsoft proqram təminatının lisenziyaları ilə pulsuz təmin olunur.  

- Microsoftun Biznes İnvestisiya Fondu tərəfdaş şirkətlərə yaxından kömək etmək, satış və marketinq işlərini sürətləndirmək məqsədi ilə maliyyə dəstəyi ilə təmin edir.

- Microsoft şirkəti 24 saat müddətində tərəfdaşları texniki dəstəklə təmin edir.

- Microsoft şirkəti müəssisənin mütəxəssislərini müxtəlif beynəlxalq təlimlərdə iştirak etmək üçün hərtərəfli dəstəkləyir.

Xeberler.az