Dövlət orqanlarının proqram təminatlarının lisenziyalaşdırılması işinə başlanıldı

14-08-2009 / 11:22

Rabitə və İnformasiya Texnologiyaları Nazirliyi (RİTN) Azərbaycanda “Enterprise Agreement” müqaviləsinə əsasən kompüter parkını Microsoft şirkətinin proqram təminatılə lisenziyalaşdıran ilk hökumət təşkilatıdır. Bu lisenziyalaşdırma növünün xüsusiyyəti ondan ibarətdir ki, müqavilə birbaşa Microsoft korporasiyasılə bağlanır və ümumi sahibolma qiymətinin aşağı salınması hesabına müştərinin vəsaitlərinə nəzərəçarpan dərəcədə qənaət etməyə imkan verir, həmçinin möhlətli ödənişi nəzərdə tutur və istifadəçilərin tədris və dəstəyinə istiqamətlənən xərclərin xeyli azalmasına gətirir. 

"Enterprise Agreement" razılaşmasının digər üstünlüyü də razılaşmanın qüvvədə olduğu müddətdə Microsoft məhsullarının yeni versiyalarının istifadə edə bilmə imkanıdır. 

Rabitə və İnformasiya Texnologiyaları nazirinin müavini Elmir Vəlizadə qeyd edir ki: “Bu gün Azərbaycan regionda İKT sektoru ən dinamik şəkildə inkişaf etdirən ölkədir. Lisenziyalı proqram təminatının tətbiqi haqqında müqavilə bir daha təsdiq edir ki, ölkədə İKT sektorun hərtərəfli inkişafına, o cümlədən əqli mülkiyyətin qorunmasına böyük diqqət yetirilir”.

Microsoft Azərbaycan şirkətinin baş direktoru Teymur Axundov isə öz növbəsində qeyd etdi ki: “Lisenziyalı proqram təminatının istifadəsi haqqında ilk razılaşmanın məhz Rabitə və informasiya texnologiyaları tərəfindən imzalanması əlamətdər bir hadisədir. Ölkənin İKT sahəsində dövlət siyasətinin həyata keçirilməsinə cavabdeh olan Nazirlik qanuni proqram təminatının istifadəsi sahəsində nümunəvi addım atdı. Microsoft korporasiyası ümid edir ki, digər hökumət qurumları, habelə kommersiya şirkətləri də bu məsələyə diqqət yetirəcək. Lisenziyalı proqram təminatının tətbiqi ölkədə İKT-nin davamlı inkişafı ilə bağlıdır və müvəffəqiyyətə doğru aparan yolun mühüm tərkib hissələrindəndir”.  

Layihə yerli ULTRA şirkəti (Microsoft Gold Certified Partner) tərəfindən həyata keçirilir.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.