Memarlıq və İnşaat Universitetində tədris mərkəzi açılıb
Azərbaycan Memarlıq və İnşaat Universitetində NETCADCAMPUS yeni tədris mərkəzinin açılış mərasimi keçirilib. Azərbaycan Memarlıq və İnşaat Universiteti və Türkiyənin informasiya texnologiyaları sahəsində fəaliyyət göstərən NETCAD şirkəti tərəfindən təşkil olunmuş tədris mərkəzində bütün texniki avadanlıq, o cümlədən memarlıq və inşaatda istifadə edilən xüsusi proqramlarla təchiz olunmuş kompüterlər yerləşdirilib.
Mərkəzin əsas məqsədi universitetinin müəllim və tələbə kollektivinə memarlıq və inşaat üzrə kompüter proqramlarının istifadəsi üzrə biliklərinin effektiv yiyələnməsini təmin etməkdir.
Tədris mərkəzində mütəmadi olaraq Bakıya ezam olunan Türkiyənin aparıcı mütəxəssisləri NETCAD tədris proqramları üzrə müəllimlər və tələbələr üçün xüsusi treninqlər keçirəcəklər.
Qeyd edək ki, NETCADCAMPUS tədris mərkəzləri artıq Türkiyənin müxtəlif universitetlərində fəaliyyət göstərir.
Mənbə: mincom.gov.az
