Mətbuat Şurası mətbuatın monitorinqini aparacaq

13-02-2009 / 12:14

Mətbuat Şurası (MŞ) mətbuatla bağlı yeni layihə həyata keçirməyi planlaşdırır. MŞ-dan ANSPRESS-ə verilən məlumata görə, layihə «Azərbaycan yazılı mediasında etik normalara necə əməl olunur?» adlanır.

Layihə çərçivəsində qəzet, jurnal, informasiya agentlikləri və xəbər portalları da daxil olmaqla, ölkədə müntəzəm yayımlanan 60-dan artıq kütləvi informasiya vasitəsinin monitorinqinin aparılması nəzərdə tutulur.

Məlumatda deyilir ki, burada əsas diqqət məlumatlarda həqiqətə xidmət, dəqiqlik, qərəzsizlik dərəcələrinə, KİV-lərin informasiya mənbəyinə münasibətlərinə, o cümlədən şərəf və ləyaqətin qorunması, şəxsi həyatın toxunulmazlığı, balans və digər prinsiplərə riayət olunması səviyyələrinə yetiriləcək. ABŞ-ın ölkəmizdəki səfirliyinin maliyyə dəstəyi ilə həyata keçiriləcək layihənin icra müddəti bir ildir. /ANS PRESS/


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.