Oktyabrın 14-dən İtaliyanın Milan şəhərində 75-ci Beynəlxalq Astronavtika Konqresi öz işinə başlayıb.
Xeberler.az Azərtaca istinadən məlumat verir ki, “Dayanıqlılıq naminə kosmik məsuliyyət” mövzusunda keçirilən konqresin açılış mərasimində İtaliya Prezidenti Sercio Mattarella iştirak edib. İtaliyanın Aeronavtika və Astronavtika Assosiasiyasının prezidenti Erasmo Karreranın və İtaliyanın şirkətlər və “Made in Italy” naziri Adolfo Ursonun çıxışları dinlənilib.
Avropa Kosmik Agentliyinin (ESA) italiyalı astronavtı Samanta Kristoforetti çıxış edib və öz təcrübəsini bölüşüb. Oktyabrın 18-dək davam edəcək konqresdə kosmik sahədə qazanılan uğurlar və yeni trendlər müzakirə olunacaq. Konqresdə 120 ölkədən 11 mindən çox nümayəndə iştirak edir.
Qeyd edək ki, konqresdə Azərbaycanı “Azərkosmos”un nümayəndə heyəti təmsil edir. Həmçinin konqresə ölkəmizdən 52 tələbə, gənc mütəxəssis və alimdən ibarət milli elmi komanda qatılıb.
Xatırladaq ki, 74-cü Beynəlxalq Astronavtika Konqresinə ötən il Bakı ev sahibliyi edib.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri