Milli İnternet resurslarımıza hücumlar artacaq

23-04-2015 / 11:06

“Bu günlərdə milli İnternet resurslarımızın təhlükəsizliyi daha da artırılmalıdır. Daha ciddi təhlükəsizlik tədbirləri görülməlidir .Çünki xeyli müddətdir ki, qlobal şəbəkədə erməni hakerləri tərəfindən qondarma “erməni soyqırımı”nın 100-cü ildönümü ilə bağlı milli İnternet resurslarımıza hücumların olacağı haqqında mesajlar verilir. Artıq müvafiq dövlət qurumları da bu haqda xəbərdarlıq veriblər”.

Bunu Xəbərlər-ə Azərbaycan İnternet Forumunun rəhbəri Osman Gündüz deyib.

Osman Gündüz qarşıdan gələn Bakı 2015 Avropa Oyunları ilə bağlı haker hücumlarının daha da  intensiv və sistemli ola biləcəyini də vurğulayıb. O, xüsusilə də populyar İnternet media qurumlarına, əhəmiyyətli dövlət İnternet resurslarına, Bakı 2015 Avropa oyunları ilə bağlı resurslara hücumların daha çox ola biləcəyini istisna etməyib.

Osman Gündüz milli İnternet resursların təhlükəsizliyinin qorunması üçün ilk növbədə İnternet resurs sahiblərinin daha ciddi  tədbirlər görməli olduğunu diqqətə çatdırıb. O, İnternet resursların fəaliyyətinin bu günlərdə monitorinq olunmasının, mütəxəssislərlə əlaqələrin gücləndirilməsinin, resursun fəaliyyəti ilə bağlı növbətçilik təmin olunmasının, İnternet  media qurumlarının  trafikinin nəzarətdə saxlanılmasının da zəruri olduğunu bildirib. Bu günlərdə resursun dayanıqlı fəaliyyətini təmin etmək üçün bütün imkanlar səfərbər olmalıdır. 

Osman Gündüz qondarma “erməni soyqırımı”nın 100-cü ildönümü və xüsusilə də Bakı 2015  Avropa Oyunları ilə bağlı gözlənilən kiber hücumları nəzərə alaraq RYTN yanında Elektron Təhlükəsizlik Mərkəzinin, XDMX İnformasiya Təhlükəsizliyi Dövlət Agentliyinin və Delta Telekom Data Mərkəzinin də daha aktiv fəaliyyətinə, vətəndaşlar və qurumlar üçün daha əlçatan olmasına ehtiyac yarandığını bidirib.

Xəbərlər adı çəkilən qurumların əlaqə vasitələrini bir daha diqqətə çatdırır :

RYTN yannda Elektron Təhlükəsizlik Mərkəzi (Qaynar xətt: 1654)

XDMX İnformasiya Təhlükəsizliyi Dövlət Agentliyi , Kompüter insidentlərinə qarşı mübarizə mərkəzi, CERT

Delta Telekom Data Mərkəzi  (+994 12 431 14 20; (daxili)107;
mobil: 050-203-12-95) 

 

Ruhəngiz Muradova


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.