Bu qurumların strukturu niyə təsdiqlənmir?

06-01-2021 / 20:14

Xüsusi əhəmiyyətli dövlət qurumlarının əsasnamələri 10 aydır ki, təsdiqlənmir. Söhbət ötən ilin martında prezident İlham Əliyevin fərmanı ilə Xüsusi Dövlət Mühafizə Xidməti və onun əsasında yaradılan 3 yeni qurumdan gedir. 

Xeberler.az bildirir ki, bu barədə Azərbaycan İnternet Forumunun prezidenti Osman Gündüz bildirib. 

Onun sözlərinə görə Xüsusi Rabitə və İnformasiya Təhlükəsizliyi Dövlət Xidməti, Prezidentin Təhlükəsizlik Xidməti və Strateji Obyektlərin Mühafizəsi Dövlət agentliyinin əsasnamələri və strukturu təsdiqlənməyib.

Hansı ki, fərmanla bu, 2 ay müddətində həll edilməliydi:

“Fərman Xüsusi dövlət mühafizəsi sahəsində idarəetmənin təkmilləşdirilməsi haqqında olduqca vacib bir sahə ilə əlaqəlidir.

Konkret sahələr üzrə cavabdeh dövlət qurumlarının yaradılması mühüm əhəmiyyət kəsb edən məsələdir. Qurumlar ləğv edilən XDMX Əsasnaməsi əsasında fəaliyyət göstərirlər.

Cari ilin dövlət büdcəsində yeni yaradılan dövlət qurumları üçün büdcə də nəzərdə tutulub. Amma yeni qurumlar, yeni strukturlar hələlik ortada yoxdur”.

Osman Gündüz qeyd edib ki, Prezident fərmanı əsasında 2018-ci ildə yaradılan İnformasiya Təhlükəsizliyi üzrə Koordinasiya Komissiyasına rəhbərlik də ləğv edilən XDMX-nin Xüsusi Rabitə və İnformasiya Təhlükəsizliyi Dövlət Agentliyinə həvalə olunub:

“Dövlət Agentliyinin rəhbəri general Mürsəl Vəliyevdir. Prezidentin yuxarıda adı çəkilən fərmanı ilə XDMX Agentliyinin əsasında müstəqil Xüsusi Rabitə və İnformasiya Təhlükəsizliyi Dövlət Xidməti yaradılıb. Koordinasiya Komissiyası "İnformasiya Təhlükəsizliyi üzrə Milli Strategiya" (2019-2024-cü illər) hazırlamalıydı. Bir ildir ki hazır olduğu bildirilən bu Strategiyadan da indiyədək xəbər yoxdur”.

Forum rəsmisi onu da əlavə edib ki, Vətən Müharibəsi zamanı müşahidə olundu ki, dövlət sektorunda informasiya təhlükəsizliyi, o cümlədən kibertəhlükəsizlik sahəsində, dövlət resurslarının dayanıqlığında və koordinasiya məsələlərində müəyyən problemlər var.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.