MilliNet müsabiqəsində resursların qiymətləndirilməsi mexanizmləri müzakirə edilib

18-11-2023 23:54

Bu gün MilliNet münsifləri və MilliNet Təşkilat Komitəsinin birgə toplantısı keçirilib.

MilliNet-ə təqdim edilən resursların qiymətləndirmə meyarları və mexanizmləri müzakirə edilib

Hər iki mərhələ səsvermə qaydası münsiflərə təqdim edilib.

Münsiflər bu il ilk dəfə tətbiq ediləcək Meyarların daha da konkretləşdirilməsi və dəqiqləşdirilməsi ilə bağlı təklif və tövsiyyələrini təqdim etdilər.

Beləliklə, 21 noyabr tarixdən etibarən MilliNet-ə təqdim edilən resurslar qiymətləndirilmək üçün münsiflərin ixtiyarına veriləcək.

20 noyabr tarixdə saat 23.59-da MilliNet-də resursların qeydiyyatı başa çatacaq.

21 noyabr tarixdən 1-ci mərhələ səsvermə prosesi başlayır . 1-ci mərhələ səsvermənin nəticələrinə əsasən hər bir nominasiya üzrə nominantlar müəyyən olunacaq.

Bu nominantlar içərisindən 2-ci mərhələ səsvermə nəticəsində qalib resurslar seçiləcək. 2-ci səsvermə prosesi dekabrın əvvəli başlayacaq .

Münsiflərin 2 -ci mərhələ üzrə qiymətləndirməsinin nəticələri təqdimat mərasimindən sonra açıqlanacaq.
Qaliblərin mükafatlandırılması ilə bağlı təqdimat mərasiminin dekabr ayında keçirilməsi nəzərdə tutulub.

Milli İnternet Mükafatına Rəqəmsal İnkişaf və Nəqliyyat Nazirliyi rəsmi dəstək verir.

Əsas tərəfdaşlar İnnovasiya və Rəqəmsal İnkişaf Agentliyi, Xüsusi Rabitə və İnformasiya Təhlükəsizliyi Dövlət Xidmətidir.

MilliNet-in Baş sponsoru CityNet şirkətidir.
Gold sponsorlar ALVENTURES, AzİnTelecom, Lenovo, KATV1 və Caspel şirkətləridir.
Sponsorlar SABAH.HUB, Alas Academy , ULTRA Technologies və Azərbaycan Texniki Universitetidir.
YODA, YeniMedia və hellojob.az MilliNet-in tərəfdaşlarıdır.
MilliNet-in media tərəfdaşları TRİLOGY, Technote Media və Xəbərlər.az media resurslarıdır.

ŞƏRHLƏR