“Mozilla”ya baş direktor təyin edildi

15-10-2010 / 19:52

Şirkət rəqabətə hazırlaşır

“Firefox” açıq brauzerinin tərtibatçısı “Mozilla” şirkəti Qeri Kovaçın baş direktor vəzifəsinə təyin olunduğunu açıqlayıb.

Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, Almaniyanın ən iri proqram təminatı istehsalçısı SAP şirkətinin mobil işləmələr üzrə baş vitse-prezidenti vəzifəsində çalışan Qeri Kovaç proqram təminatının işlənib hazırlanması sahəsində geniş təcrübəyə malikdir.


SAP-dan əvvəl o, proqram təminatı istehsalçısına məxsus “Sybase” şirkətində çalışıb. 2003-2008 illər ərzində Qeri Kovaç “Macromedia” və “Adobe” kimi iri şirkətlərdə müxtəlif vəzifələrdə işləyib.


Analitiklər hesab edir ki, yeni baş direktor “Mozilla”ya şirkətin “Google” Chrome” və “Apple Safari” tərəfindən qarşılaşdığı fəal rəqabət fonunda təyin edilib. Bundan əlavə, çox güman ki, Qeri Kovaç qarşısında “Firefox”un mobil platformalara, ilk növbədə “Android” və “Symbian” əməliyyat sistemlərinə inteqrasiyasına dair məsələ qoyulacaq. Çoxları hesab edir ki, məhz mobil işləmələr sahəsində təcrübə Qeri Kovaçın yeni vəzifəyə təyin olunmasına başlıca səbəb olub.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.