Nanopeyklərdə astrofiziki eksperimentlərin qoyulması ilə bağlı müzakirələr keçirilib

07-06-2018 / 13:41

AMEA N.Tusi adına Şamaxı Astrofizika Rəsədxanasında (ŞAR) “Azərkosmos” ASC, Milli Aviasiya Akademiyası və Şamaxı Astrofizika Rəsədxanasının birgə layihəsi olan və Azərbaycanda ilk dəfə olaraq buraxılacaq nanopeyklərdə astrofiziki eksperimentlərin qoyulması ilə bağlı növbəti elmi müzakirələr keçirilib. 

Xeberler.az bildirir ki, müzakirələrdə Moskva Dövlət Universitetinin Fizika fakültəsinin “Kosmos fizikası” kafedrasının professoru, f-r.e.d., S.İ. Svertilov, D.V. Skobelçin adına Nüvə Fizikası Elmi-Tədqiqat İnstitutunun elmi işlər üzrə direktor müavini, f.-r.e.n., V.İ. Osedlo, həmin institutun aparıcı elmi işçisi f.r.e.n., Y.V. Popova, Milli Aviasiya Akademiyasının “Yeni texnika və texnologiyanın işlənməsi” (YTTİ) şöbəsinin müdiri, f.r.ü.f.d., A.Ə. Musayev və “Aviasiya mikroelektron vericiləri” şöbəsinin müdiri R.Ə. İbrahimov iştirak ediblər. 

Əvvəlcə ŞAR-ın direktoru, AMEA-nın müxbir üzvü N.S. Cəlilov qonaqları salamlayıb, onlara rəsədxanada yerinə yetirilən elmi-tədqiqat işləri barədə ətraflı məlumat verib.

Sonra rəsədxananın elmi işlər üzrə direktor müavini, f.ü.f.d., dos. X.M.Mikayılov rəsədxanadakı teleskoplar və istifadə olunan müşahidə cihazları haqqında, ŞAR-ın “Ulduz atmosferləri və maqnetizm” şöbəsinin müdiri, f.r.ü.f.d.,dos. C.N.Rüstə-mov nanopeyklərdə astrofiziki eksperimentlərin qoyulması haqqında məruzələrini təqdim ediblər.

Məruzələr maraqla dinlənilib, verilən suallar ətrafında fikir mübadiləsi aparılıb. Daha sonra qonaqlar ŞAR-ın 2 metrlik teleskopunda olublar. 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.