Naxçıvan Elektron Təhlükəsizlik Mərkəzi əhaliyə xəbərdarlıq edib

15-02-2020 / 12:52

Naxçıvan Muxtar Respublikasının Rabitə və Yeni Texnologiyalar Nazirliyinin Elektron Təhlükəsizlik Mərkəzi son aylar ərzində məşhurlaşan “TikTok” platformasında aşkarlanan təhlükə ilə bağlı xəbərdarlıq edib.

Xeberler.az nazirliyin yaydığı məlumata istinadən bildirir ki, bu platformanın təhlükəsi aktuallığını qoruyub saxlayıb. Belə ki, bu boşluqlar hakerlərə istifadəçilərə məxsus özəl məlumatların ələ keçirməyə imkan yaradır.

Cinayətkar qurbanın hesablarını idarə edə, həmçinin adlar, elektron poçt ünvanları və doğum tarixləri kimi fərdi məlumatlara giriş əldə edə bilir. Hazırda dünya üzrə “TikTok” istifadəçilərinin sayı bir milyardı ötüb. Mövcud boşluqlara görə proqramı yükləyən bütün insanların məlumatlarının məxfiliyi və təhlükəsizliyi təhlükə altındadır. Aşkar olunan boşluqlardan biri “TikTok”un SMS-imkanlarına təsir etməsidir. Məsələn, servis istifadəçilərə özlərinə tətbiqin yüklənməsi üçün keçidlə mesaj göndərməsi  imkanı yaradır, cinayətkar isə bunu öz məqsədləri üçün istifadə edə biliər. Belə hücumun uğurlu olması üçün cinayətkar qurbanın telefon nömrəsini bilməlidir. Bu zaman hücum edən boşluqdan istifadə edəndə özünü ələ verməyəcək. Nəticədə cinayətkar mesajdakı keçidi ziyanverici link ilə əvəz edərək, onu redaktə edə bilər. Belə SMS alan qurban hücumdan şübhələnmədiyi üçün keçidə daxil olacaq, nəticədə qurğuya ziyanverici proqram quraşdırılacaq.

Nazirlik bu platformadan istifadə edənləri məlumatlandırır və daha diqqətli olmağa çağırır.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.