Nokia yoxsulların qayğısına qalır
Nokia texnoloji geriliyə müharibə elan edərək inkişaf etməkdə olan ölkələrə yeni marketinq strategiyası hazırlayır. Şirkət bəzi ölkələrdə ucuz telefonlar satışa buraxacaq. Telefonların dalınca isə Nokia bir neçə İnternet-servis elan edir ki, onların da qiyməti baha olmayacaq. Yeni məhsulların qiyməti çox güman ki, 25-90 avro arasında dəyişəcək. Təchizat artıq bu ilin sonundan başlayacaq, təqdim olunması isə 2009-cu ildə baş tutacaq.
Şirkətin vitse-prezidenti Robert Anderson söyləyir ki, hələ 2002-ci ildə Nokia inkişaf etməkdə olan ölkələr üçün ucuz telefonlar istehsal etmişdi.
Mobil telefon istifadəçiləri İnternetdən istifadə edərək yeni məlumatlar, xəbərlər və əyləncəyə çıxış əldə edəcəklər. Telefondan istifadənin sadəliyi Nokia-ya inkişaf etməkdə olan ölkələr bazarında uğur qazanmağa imkan verəcək. Nokia-dan ilk mobil servis abunəçilərə elektron poçtla işləməyə və kənd təsərrüfatının informasiya portalına daxil olmağa kömək edəcək.
