TƏDBİRLƏR

Tənzimləyici razılıq verən kimi, biz dərhal Azərbaycanda 5G infrastrukturunun reallaşdırılmasına başlamağa hazır olacağıq. Texnoloji baxımdan heç bir problem yoxdur. Artıq bu texnologiya yetərincə uzun müddətdir ki, əlçatandır. Hətta 6G üzrə diskussiyalar başlayıb. Ona görə də tezlik verilən kimi, operatorlar onu qəbul edəcək və 5G infrastrukturunun reallaşdırılmasına hazır olacağıq.

Xeberler.az məlumat verir ki, bu sözləri “Nokia”nın Azərbaycandakı nümayəndəliyinin rəhbəri, şirkətin Avrasiya üzrə bölməsinin satış direktoru Aleksandr Şunin Bakıda keçirilən tədbirdə jurnalistlərə müsahibəsində deyib.

O əlavə edib: “Qeyd edim ki, 5G-ni işə salmış bir çox operator kifayət qədər yavaş templə pul qazanır. Buna görə də bir çox operatorlar 4G-də, 4G+-da dayanır və 4G şəbəkəsinə qoyduğu sərmayədən maksimum gəlir əldə etməyə çalışırlar”.

Azərbaycanda süni intellekt üçün məlumat mərkəzlərinin yaradılması perspektivlərinə toxunan Aleksandr Şunin qeyd edib: “Mənə elə gəlir ki, bu, bir-iki ildən gec olmayaraq başlamalıdır, çünki süni intellekt sürətlə yayılır. Deməliyəm ki, ilk on dünya dili artıq yüklənib. Biz indi qonşu ölkələrdə nə baş verdiyini görürük. Əminəm ki, yaxın gələcəkdə Azərbaycanda belə işlərin görülməsinə ehtiyac olacaq. Bu prosesdə əsas rolu operatorlar oynamalıdır. “Nokia” olaraq, biz bunun üçün infrastrukturu təmin edirik. Biz təlim modelinin özünü təklif etmirik, ancaq infrastruktur satıcısı kimi çıxış edirik. Bəli, siz artıq məlumat mərkəzlərinin yaradılmasında iştirak edirsiniz. Əslində, çoxlu məlumat mərkəzi artıq tikilib, yəni onların hamısından, o cümlədən bu məqsəd üçün istifadə olunacaq”, - deyə Aleksandr Şunin sözlərini yekunlaşdırıb.