“Ölkəmizdə internetin sürəti, keyfiyyəti ilə bağlı problemlər var”

25-11-2009 / 18:10

"Hazırda Azərbaycanda internet qiymətlərini digər qonşu ölkələrlə müqayisədə formal olaraq normal hesab etmək olar".

Xeberler.az bildirir ki, bu barədə Azərbaycan İnternet Forumunun (AİF) prezidenti Osman Gündüz jurnalistlərə verdiyi açıqlamasında deyib. O bildirib ki, 1 meqabit internetin bəlli sürəti Rusiyada hansı qiymətdirsə bizdə də ona yaxınlaşıb. Azərbaycanda internetin keyfiyyəti ilə bağlı problemlər toxunan AİF prezidenti bildirib ki, ölkəmizdə provayderlər tərəfindən təqdim olanunan sürətlə, istifadəçilərin aldığı real sürət arasında kəskin fərq var.

Onun sözlərinə görə, bu məsələyə internetin keyfiyyət kontekstindən baxdıqda onda məlum olur ki, bizdə internet qiyməti bahadır.

“25 manat ödəyərək 1 meqabit internet surəti almaqla bağlı müqavilə bağlayırıq. Amma internetdə olan vasitələr və alətlərlə bu sürəti ölçəndə görürük ki, bu aldığımız sürətdən 3 dəfə aşağıdır. Bu da o deməkdir ki, bizdə internet digələrinə nisbətən 3 dəfə bahadır. Biz internet qiymətləri ilə razıyıq amma təklif olunan sürətlə, keyfiyyətlə bağlı problemlər var”,- deyə o qeyd edib.

 

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə