Qərb mediasının veb-saytlarında genişmiqyaslı nasazlıq yaranıb

08-06-2021 / 15:44

Çərşənbə axşamı bir sıra Qərb mediası və xidmətlərinin, xüsusən Britaniyanın internet səhifələri açılmır. Bəzi KİV və servislərin səhifələrinin hazırda da işləməməsinin şahidi olmaq mümkündür.

Xeberler.az xarici mətbuata istinadən məlumat verir ki, xüsusilə, Britaniya hökumətinin veb-saytı açılmır. Bir müddət öncə isə "Financial Times" qəzetinin veb-səhifəsi işləmirdi. "The Guardian" qəzeti "Twitter" səhifəsində qeyd edib ki, qəzetin saytı və mobil tətbiqi hazırda internetin miqyaslı kəsilməsi səbəbindən açılmır.

"Downdetector" portalının məlumatına görə, "The New York Times" qəzetinin elektron versiyasında da nasazlıq yaranıb. Bundan başqa, "Amazon" xidməti və qlobal onlayn ödəmə sistemi "PayPal"la da bağlı problemlər müşahidə olunur.

"Associated Press" hadisənin mümkün səbəbini ABŞ-ın "bulud" xidmətləri təminatçısı "Fastly" şirkətinin işindəki nasazlıqlarla əlaqələndirib.

 

 
 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.