EDUTECH

Qərbi Kaspi Universiteti aşağıdakı ixtisaslar üzrə 2018-cı il üçün fəlsəfə doktoru proqramı üzrə doktoranturaya və dissertanturaya qəbul elan edir.

Bu barədə Xeberler.az-a Universitetdən məlumat verilib.

Fəlsəfə doktoru proqramı üzrə disseranturaya ayrılan plan yerlərin sayı

Doktorantura və dissertantura yolu ilə təhsil almaq üçün aşağıdakı sənədlər təqdim edilməlidir:

-ərizə (rektorun adına);

-kadrların şəxsi qeydiyyat vərəqəsi;

-tərcümeyi-hal;

-iş yerindən xasiyyətnamə;

-3 ədəd fotoşəkil (3x4 ölçüdə);

-iş stajı olanlar üçün əmək kitabçasından çıxarış;

-çap olunmuş elmi işlərin siyahısı və ya seçilmiş ixtisas üzrə referat;

-ali təhsil müəssisəsini bitirmək haqqında diplomun və diploma əlavənin müvafiq qaydada təsdiq edilmiş surəti (xarici ölkələrdə təhsil almış Azərbaycan Respublikasının vətəndaşları üçün təhsil haqqında sənədlərin tanınması haqqında şəhadətnamə);

-şəxsiyyəti təsdiq edən sənədin surəti.

 Qəbul qaydaları:

Doktoranturaya ali təhsili olan (ali təhsil pilləsinin magistratura səviyyəsini bitirən yaxud təhsili ona bərabər tutulan) Azərbaycan Respublikasının vətəndaşları qəbul olunurlar. Fəlsəfə doktoru proqramı üzrə doktoranturada əyani təhsil müddəti 3 il, qiyabi təhsil müddəti 4 ildir. Fəlsəfə doktoru proqramı üzrə dissertanturada təhsil müddəti 4 ildir.

Doktoranturaya qəbul olmaq istəyənlər ixtisas fənnindən, xarici dildən və fəlsəfədən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər.

Sənədlər 22 yanvar 2018-ci il tarixə qədər qəbul edilir.

Qəbul imtahanları 29 yanvar 2018-ci il tarixindən başlanacaq.

Təhsil haqqı müqavilə əsasında müəyyən edilir.

 Xeberler.az