İnformasiya Texnologiyaları İnstitutunun təhsil şöbəsinin fəaliyyət planı müzakirə olunub

23-01-2019 / 13:19

Azərbaycan Milli Elmlər Akademiyasının (AMEA) İnformasiya Texnologiyaları İnstitutunun elmi şurasının iclasında təhsil şöbəsinin 2019-cu il üzrə fəaliyyət planı müzakirə olunub.

Xeberler.az  bildirir ki, fəaliyyət planını təqdim edən şöbə müdiri, texnika üzrə fəlsəfə doktoru, dosent Fərhad Yusifov əsas fəaliyyət istiqamətləri barədə məlumat verib. Şöbədə magistratura, doktorantura və dissertantura yolu ilə yüksəkixtisaslı elmi kadrların hazırlanması, doktorantların, dissertantların doktorluq imtahanlarının verilməsi işinin təşkili, magistrantların sessiya imtahanlarının təşkili, magistrant və doktorantların elmi fəaliyyətinin koordinasiya edilməsi və səmərəliliyinin artırılması üçün tədbirlərin görülməsi və s. işlərin həyata keçirildiyini diqqətə çatdırıb.

F.Yusifov doktorant və dissertantların elmi fəaliyyəti haqqında məlumat verib. Bildirib ki, 2019-cu il üzrə İnformasiya Texnologiyaları İnstitutunda fəlsəfə doktoru proqramı üzrə təhsil alan doktorantların sayı 5, dissertantların sayı 17, elmlər doktoru proqramı üzrə təhsil alan dissertantların sayı isə 9 nəfərdir. Qəbul planına uyğun olaraq, cari ildə fəlsəfə doktoru hazırlığı üzrə doktoranturaya 3, dissertanturaya 3, elmlər doktoru hazırlığı üzrə dissertanturaya 1 nəfərin qəbul edilməsi nəzərdə tutulur.

Şöbə müdiri, həmçinin cari il üzrə institutun magistraturasında 6 nəfərin təhsil aldığını nəzərə çatdırıb. Onun sözlərinə görə, 2019-2020-ci tədris ili üçün institutun magistraturasına qəbulun “Kompüter elmləri”, “Kompüter mühəndisliyi” və “İnformasiya texnologiyaları və sistemləri mühəndisliyi” ixtisasları üzrə aparılması planlaşdırılır.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.