Rabitə Nazirliyi startapları maliyyələşdirməyə hazırdır

26-11-2020 / 18:02

Son dövrlərdə Azərbaycanda qeyri-neft sektorunun inkişafı və biznes mühitin yaxşılaşması üzrə layihələr reallaşdırılır.

Xeberler.az məlumat verir ki, bunu Trend-ə Nəqliyyat, Rabitə və Yüksək Texnologiyalar Nazirliyindən bildiriblər.

Mənbənin sözlərinə görə, 2018-ci ilədək Azərbaycanda yalnız startaplar dəstəklənirdi, son illərdə isə prioritet istiqamətlərdə dəyişikliklər baş verib. Buraya investisiyalar və ekosistem iştirakçılarının dövlət dəstəyi, inkubasiya və akselerasiya mərkəzləri daxildir. Bu isə özünü ilk növbədə prosesin zənginləşməsində göstərir. Nəqliyyat, Rabitə və Yüksək Texnologiyalar Nazirliyi nəzdində innovativ inkişafa və ekosistemə dəstək məqsədilə İnnovasiyalar Agentliyinin yaradılması institusional islahatdır:

"Bu il İnnovasiyalar Agentliyi startapların təsnifatı üzrə layihə işə salıb. Təsnifatlandırma startap layihənin ideyadan təkmil biznesədək inkişafının müəyyənləşdirilməsini nəzərdə tutur. İstənilən startapın təsisçisi agentliyin saytında təsnifatlandırmanı keçə bilər. Öz növbəsində, İnnovasiyalar Agentliyi layihənin gələcək inkişafı üçün səmərəli alətlər təqdim edə bilər".

Nazirlikdən bildiriblər ki, qrant, kredit və investisiyaların verilməsi ilə bağlı normativ-hüquqi aktları nəzərdən keçirməyə hazırdırlar. Bu aktlar təsdiq olunduqdan sonra ümumilikdə ekosistemdə artım baş verəcək və bizim startaplarımız beynəlxalq bazara çıxa biləcək:

"Startapçılara güzəştlər "Startap" sertifikatının verilməsi barədə normativ-hüquqi aktların qəbul edilməsindən sonra ediləcək. Sertifikat almış startaplar 3 il müddətinə vergidən azad ediləcək. Bu isə startapların məhsuldarlığına müsbət təsir göstərəcək".


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə