Startap Şəhadətnamələrinin verilməsi nə üçün ləngiyir ?

26-09-2019 / 12:00

Xeberler.az bildirir ki, Ötən il Startaplara Şəhadətnamələrinin verilməsi ilə bağlı Prezident Fərmanı qəbul edilib. Startaplar qanunvericilikdə nəzərdə tutulan güzəştlərdən istifadə etmək üçün bu Şəhadətnaməni almalıdırlar. Qanunvericiliyə görə bu sənəd startapların müraciəti əsasında KOBİA tərəfindən veriləcək. KOBİA bununla bağlı, aidiyyatı tərəflərin iştirakı ilə ayrıca qurumun formalaşdırılacağını bildirilib.

Məsələyə Azərbaycan İnternet Formunun Prezidenti, ekspert Osman Gündüz münasibət bildirib:

"Şəhadətnamələrin verilməsi prosesinin reallaşdırılması üçün 3 ay vaxt təyin olunub. Nazirlər Kabineti 3 ay ərzində startap statusu qazanmaq üçün zəruri olan meyarları müəyyən etməliydi.

Bununla bağlı olaraq, Maliyyə Nazirliyi, İqtisadiyyat Nazirliyi, Nəqliyyat, Rabitə və Yüksək Texnologiyalar Nazirliyi, Vətəndaşlara Xidmət və Sosial İnnovasiyalar üzrə Dövlət Agentliyi, Vergilər Nazirliyi meyarların müəyyən olunması üçün öz rəylərini verməliydi.

Bir neçə gün öncə isə KOBİA-nın rəhbəri Orxan Məmmədov prosesin başa çatmaqda olduğunu bildirib.

Amma hələ də ortada konrket bir nəticə yoxdur. Müşahidələr göstərir ki, burada bəzi dövlət qurumlarının maraq toqquşmaları, Şəhadətnamənin hansı qurumun verə biləcəyindən narazı qalanlar istisna deyil. Məhz bu səbəbdən bu proses hədsiz çox uzanır. Bütün bunlar isə sonda ölkədə startap ekosistemin formalaşmasına mənfi təsir göstərir.

Xatrıladıram ki, adı çəkilən dövlət qurumlarının heç birisi meyarların müzakirəsi ilə bağlı heç bir müzakirə təşkil etməyib. Biz, Startap Azərbaycan olaraq bu prosesdə məsul qrum olan Vergilər Nazilriyinə meyarlarla bağlı təkliflər göndərmişik .

Startap Şəhadətnaməsinə malik olan startaplar 3 il müddətinə gəlir və mənfəət vergisi ödənişindən tam olaraq azad ediləcəklər.
Ümid edirəm ki, yaxın zamanda bu proses başa çatacaq".


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.