İnnovasiyalar Agentliyi BP nümayəndələri ilə görüşüb

08-10-2019 / 10:34

İnnovasiyalar Agentliyi və BP şirkəti startaplar üçün birgə akselerasiya proqramının reallaşdırılmasına dair müzakirələr aparıb.

Xeberler.az bildirir ki, bu haqda agentliyin mətbuat xidmətindən  məlumat verilib. Oktyabrın 7-də İnnovasiyalar Agentliyinin idarə heyətinin sədri Tural Kərimli BP şirkətinin Azərbaycan, Gürcüstan və Türkiyə regionu üzrə vitse-prezidenti, planlaşdırma və kommersiya əməliyyatlarının rəhbəri Niall Hendersonla görüşüb. T.Kərimli agentliyin fəaliyyəti, ekosistemin inkişafına yönəlmiş təşəbbüsləri, layihələr, uğurlu startaplar və gələcək planlar haqqında qonaqlara məlumat verib.

N.Henderson sözügedən sektorun əhəmiyyətini vurğulayaraq bu sahənin inkişafının Azərbaycan iqtisadiyyatında böyük rol oynayacağını bildirib və BP-nin qarşılıqlı layihələri dəstəkləməyə hazır olduğunu qeyd edib. Startaplar üçün birgə akselerasiya proqramının mümkünlüyü və yerli startapların maliyyələşdirilməsində BP-nin iştirakı görüşün əsas mövzularından olub.

Görüşdən sonra N.Henderson İnnovasiya Agentliyinin ofisi ilə də tanış olub.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.