TEXNOLOGİYA

Məlumat verdiyimiz kimi, Azərbaycanda ilk dəfə olaraq “Tier III” səviyyəli regional Data Mərkəzinin yaradılması üzərində işlər aparılırdı. 

Data Mərkəzin ötən ilin sonlarında istiafdəyə veriləcəyi gözlənilirdi. Lakin məlum “MTN işi” ilə bağlı hadisələrdən sonra Rabitə və Yükəsk Texnologiyalar Nazirliyi ətrafında baş verənlər Data Mərkəzin açılışını da arxa plana keçirmişdi.

Ötən ilin sonlarından etibarən RYTN –də aparılan kadr dəyişikliklərindən sonra Data Mərkəzin istismara verilməsi ilə bağlı işlərdə müəyyən durğunluq müşahidə olunurdu.

Bu yaxınlarda isə rabitə və yüksək texnologiyalar nazirinin müavini İltimas Məmmədov açıqlamasında bildirdi ki, bu istiqamətdə bütün işlər senytabr-oktyabr aylarında başa çatacaq və Data Mərkəz ilin sonunda istifadəyə veriləcək.

Xeberler.az-ın məlumatına görə, Rabitə və Yüksək Texnologiyalar Nazirliyi tabeçiliyində olan  AzİnTelecom MMC tərəfindən Data Mərkəzin təchizatı üçün  2 tender keçirilir.

Belə ki,  1-ci  tender  Data Mərkəzin ehtiyat (buckup) hissəsinin təchizatı ilə bağlı olub. Bu məqsədlə açıq tender keçirilir. Bununla bağlı elan tender.gov.az-da yerləşdirilib. Bu açıq tender 1 lot üzrə keçirilir və iştirak haqqı 1000 AZN təşkil edir.

Xeberler.az-ın məlumatına görə, Data Mərkəzin əsas hissəsinin təminatı üçün ayrıca qapalı tender təşkil edilib.

Marqlıdır ki,  2-ci tenderin təşkili ilə bağlı məlumat, tenderin şərtləri, müddəti və s. açıqlanmayıb.

Əldə etdiyimiz məlumata görə, bu tenderdə BestComp Group, Lenovo, Soft Line və HP Azərbaycan  və s. yerli  şirkətlər iştirak edib.

Qeyd edilir ki, tender Data Mərkəz üçün təxminən 10 milyon manat həcmində təchizat məsələlərinin həllini nəzərdə tutur.

Artıq tenderin başa çatdığı,  BestComp Group, HP Azərbaycan və Cisco şirkətlərinin qalib gəldiyi də bildirilir.

 Bu məlumatı, həmçinin  2-ci tenderin nəticəsində Data Mərkəzdə konkret hansı işlərin görüləcəyini dəqiqləşdirmək hələlik mümkün olmayıb .

Tender komissiyası bu tenderin yekunu ilə bağlı nəticələri rəsmi olaraq açıqlamayıb.

Xeberler.az