TENDER

  Medvedyevin video-blogundan 2 gün ərzində 4 min nəfər qeydiyyatdan keçib

  Rusiya prezidenti Dmitri Medvedyev aktiv internet istifadəçisidir. Qaynar.info-nun Rusiya mətbuatına istinadən verdiyi məlumata görə, Medvedyev hər səhər işə bazlamazdan əvvəl internetə baş çəkir. İlk öncə xəbər saytlarına göz gəzdirir.

   Prezidentin sözlərinə görə, o, "Odnoklassniki" saytında indiyə qədər 630 nəfər "Dmitri Medvedyev"lə tanış olub. "Onlar bir çox xüsusiyyətlərinə görə mənə oxşayırlar"- deyə Medvedyev bildirib.

  Qeyd edək ki, Rusiya prezidentinin rəsmi saytı da var: Kremlin.ru. Bu saytda Medvedyevin aktiv video blogu da fəaliyyət göstərir. Blogda Rusiya prezidenti vaxtaşırı olaraq, müxtəlif mövzularda yazılar, o cümlədən səfər qeydlərini qələmə alır. Bazar ertəsindən etibarən isə blogda oxuculara da qeydiyyatdan keçməklə şərh yazmaq, prezidentin yazı və fikirlərinə münasibət bildirmək imkanı verilib. Qısa müddət ərzində blogdan 4 minə yaxın istifadəçi qeydiyyatdan keçib. Medvedyev söz verib ki, hər bir şərhi çox diqqətlə oxuyacaq.

  Qeyd edək ki, Medvedyev həm də orta məktəblərdə təhsil və maarifləndirici saytlardan başqa bütün digər saytlara kütləvi blok qoymaq fikrini irəli sürənlərin əsas əleyhdarlarından biridir. O, müasir həyatı və dünyanı internetsiz təsəvvür etmir. Prezident, Rusiyada internetin qiymətlərinin aşağı düşməsi, əvəzində sürət və başqa göstəricilərinin yaxşılaşdırılmasını daim diqqətdə saxlayır.

xeberler.az/Ellada