Sağlamlıq – 2018 Respublika Spartakiadası başa çatdı

18-02-2019 / 17:08

Nəqliyyat, Rabitə və Yüksək Texnologiyalar Nazirliyinin dəstəyi, Rabitə İşçiləri Müstəqil Həmkarlar İttifaqı Respublika Komitəsinin, “Spartak” Könüllü Bədən Tərbiyəsi və İdman Cəmiyyəti İctimai Birliyinin təşkilatçılığı ilə keçirilən “Sağlamlıq – 2018” Respublika Spartakiadasına yekun vurulub.
 
Xeberler.az  bildirir ki, artıq 23-cü dəfədir təşkil edilən idman tədbirində Nəqliyyat, Rabitə və Yüksək Texnologiyalar Nazirliyinin tabeli qurum və müəssisələrinin komandaları yarışıblar.
 
Spartakiadada səkkiz idman növü üzrə (güllə atıcılığı, stolüstü tennis, kross qaçışı, voleybol, kəndirdartma, nərd, şahmat, dama) yarışlar təşkil edilib.         
 
Komandaların böyük həvəslə qatıldığı yarışlar gərgin idman mübarizəsi şəraitində keçib.
 
Spartakiadanın yekun nəticələrinə görə, ümumkomanda hesabında yerlər aşağıdakı kimi olub:
 
1. “Bakı Telefon Rabitəsi” MMC
2. “Aztelekom” MMC
3. Dövlət Radiotezlikləri İdarəsi
4. Məlumat Hesablama Mərkəzi
5. Dövlət Avtomobil Nəqliyyatı Xidməti
6. “Hərbiləşdirilmiş Mühafizə İdarəsi” MMC
7. “Teleradio” İstehsalat Birliyi
8. “Azərpoçt” MMC
9. “AzInTelecom” MMC
10. Dövlət Dəniz Agentliyi
11. Nəqliyyat, Rabitə və Yüksək Texnologiyalar Nazirliyinin aparatı – 2
12. Nəqliyyat, Rabitə və Yüksək Texnologiyalar Nazirliyinin aparatı – 1.

Qeyd edək ki, spartakiadanın ümumkomanda birinciliyində 1-3-cü yerləri tutan komandalar xatirə kubokları, ayrı-ayrı idman növlərində 1-3-cü yerləri tutan komandaların üzvləri və şəxsi yarışlarda 1-ci yeri tutan idmançılar diplom və hədiyyələrlə təltif olunurlar.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.