Sazz 4G yeni texnologiyaya keçir

21-01-2016 / 10:28

Sazz 4G internet servis provayderi 1 giqabitədək sürətlə məlumatların ötürülməsi xidmətlərini göstərməyə imkan verən TDD LTE Advance (Pre5G) texnologiyasına keçməyə hazırlaşır.

Şirkətdən Xeberler.az-a verilən məlumata görə, 2016-cı ilin sonunadək bu texnologiya bəzi Asiya ölkələrində kommersiya istifadəsinə veriləcək və həmin vaxtadək bu keçidi həyata keçirmək üçün investorlarla danışıqlar başa çatdırılacaq.

İlk mərhələdə  Abşeron yarımadası sıx əhatə ediləcək və istifadəçilərə bu şəbəkəyə qoşulmağa imkan verəcək qurğular təqdim olunacaq.

Qeyd edilib ki, Sazz 4G şəbəkəsı WiMAX texnologiyası əsasında qurulub. İndiki reallıqda isə bu texnologiya “kənd” texnologiyasına çevrilir, yəni ondan istifadə Bakı və iri şəhərlərdən kənarda getdikcə daha rasional olur.

Bakıda internet trafikə tələbat xeyli artıb və WiMAX faktiki olaraq istifadəçilərin tələbatlarına cavab vermir.

Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.